Bakı Şəhər İcra Hakimiyyəti Demokratik Qüvvələrin Milli Şurasına (DQMŞ) təklif edib ki, mitinqi müxalifətin planlaşdırdığı kimi bazar günü mayın 17-də deyil, şənbə günü mayın 16-da keçirsin.
“Talana son!” şüarı ilə keçiriləcək mitinq barədə müraciətə cavab olaraq şəhər administrasiyası mitinqin 16 may saat 15:00-dan 17:00-dək “Məhsul” stadionunda keçirilməsini təklif edib.
Mitinq Komitəsinin üzvü, AXCP sədrinin müavini Fuad Qəhrəmanlı Turan-ın müxbiri ilə söhbətində meriyanın qərarının qanunsuz olduğunu bildirib. Onun sözlərinə görə, şəhər hakimiyyəti bu məsələni aksiya təşkilatçıları ilə ilkin müzakirə etmədən mitinqin vaxtını dəyişməklə qanunu pozub.
Bu, Bakı İcra Hakimiyyətinin mitinqin tarixini təşkilatçılarla müzakirə etmədən dəyişməsi ilə bağlı ikinci haldır. Bundan öncə DQMŞ-ə mitinqi mayın 3-dən 2-nə keçirmək təklif olunmuşdu, müxalifət isə ümumiyyətlə mitinqi keçirməkdən imtina etmişdi.
İndiki duruma gəlincə, F.Qəhrəmanlının sözlərinə görə, çərşənbə günü DQMŞ məsələni müzakirə edəcək və mitininqin mayın 16-da keçirilib-keçirilməyəcəyi barədə qərar qəbul edəcək.—06D--
Siyasət
-
Fevralın 5-də axşam jurnalist Şahnaz Bəylərqızının saxlanıldığı məlum olub. Bir neçə il əvvəl o, “Toplum” TV-nin aparıcısı olub.
-
Dövlət başçısının 5 fevral tarixli sərəncamı ilə Muxtar Babayev prezidentin iqlim məsələləri üzrə nümayəndəsi təyin edilib.
-
Fevralın 5-də prezident İlham Əliyev Ukraynaya humanitar yardımın göstərilməsi haqqında sərəncam imzalayıb. Sənədə əsasən, Azərbaycanda istehsal olunan elektrik avadanlığının satın alınması və göndərilməsi üçün Energetika Nazirliyinə 1 milyon ABŞ dolları ayrılıb.
-
Fevralın 5-də Səbail Rayon Məhkəməsində “Kanal-13” İnternet- nəşrin rəhbəri əziz Orucovun işi üzrə proses davam edib.
Rəy yaz