Bakı/31.01.19/Turan: Əmək və Əhalinin Sosial Müdafiəsi Nazirliyində fəaliyyət göstərən Komissiya növbəti iclasında şəhid hərbi qulluqçulardan daha 661 nəfərinin 954 vərəsəsinə birdəfəlik ödəmə verilməsi barədə qərar qəbul edib. Bu barədə nazirliyin yanvarın 31-də yaydığı məlumatda deyilir.
Məlumata görə, qərara əsasən, ödəniləcək birdəfəlik 11 min manat vəsait onların bank hesablarına köçürüləcək və bu barədə onların sənədlərini təqdim edərkən qeyd etdikləri telefon nömrələrinə elektron qaydada sms-bildiriş göndəriləcək: "Bununla da indiyədək artıq 3758 şəhidin 5144 vərəsəsinə birdəfəlik ödəmənin verilməsinə dair qərar qəbul olunub və onlardan 3100 şəhid üzrə 4200 vərəsəyə ödəniş edilib", məlumatda belə deyilir.
Xatırladaq ki, dövlət başçısı İlham Əliyev 2018-ci ilin aprelində 1991-ci ildən 1997-ci l avqustun 2-nə kimi Azərbaycanın ərazi bütövlüyü uğrunda şəhid olmuş hərbiçi ailələrinin vərəsələrinə 11 manat birdəfəlik müavinət ödənməsi barədə fərman imzalayıb. Əmək və Əhalinin Sosial Müdafiəsi Nazirliyi sənədləri qəbul etməyə başlayıb. Ödənişləri isə Azərsığorta Kommersiya Şirkəti edib.
Amma bir sıra şəhid ailələrinin həmin vəsaitləri almaları barədə qeydlər ortaya çıxıb. Kimlərinsə adları əksini tapmayıb, bu isə şəhid ailələri arasında ciddi narazılığa səbəb olub.
Şəhid ailələri bu ödənişlərin haqqında bəhs olunan dövrdə həlak olan bütün hərbçi vərsələrinə aid edilməsini tələb ediblər, dəfələrlə Milli Məclisin, Prezident Administrasiyasının, Əmək və Əhalinin Sosial Müdafiəsi Nazirliyi önündə etiraz aksiyaları keçiriblər.
2019-cu il yanvarın 28-də isə dövlət başçısı şəhid ailələrilə görüşüb. Orada elan olunub ki, dövlət başçısı fərmana əlavələr edib. Fərmanda bu müavinətlərin həmin dövrdəki döyüşlərdə həlak olan bütün hərbiçi və polis ailələrinə şamil olunması əksini tapıb. Beləliklə, birdəfəlik ödəmə verilən şəhid vərəsələrinin əhatə dairəsinə 1997-ci ilin avqust ayının 2-dək şəhid olmuş əlavə 2725 nəfərin (o cümlədən vərəsələri 11000 manatdan az sığorta ödənişi almış 2264 şəhid hərbi qulluqçunun və 461 şəhid polisin) vərəsələri də daxil edilib.
Beləliklə, vərəsələrinə birdəfəlik ödəmə verilməsi nəzərdə tutulan şəhidlərin sayı 12268-ə çatıb. Bunun üçün ümumilikdə 135 milyon manat vəsait nəzərdə tutulur.--0--
Cəmiyyət
-
Yanvarın 5-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Gündüz bəzi yerlərdə qısamüddətli yağış yağacağı, gecə və səhər zəif duman olacağı ehtimalı var. Cənub-qərb küləyi gündüz arabir güclənən şimal-qərb küləyi ilə əvəz olunacaq. Havanın temperaturu gecə müsbət 3+6, gündüz müsbət 7+9 dərəcə olacaq, Milli Hidrometeorologiya Xidməti bildirib.
-
Turan Informasiya Agentliyi media hüququ üzrə tanınmış ekspert Xalid Ağalıyevə anasının vaxtsız vəfatı ilə əlaqədar ən dərin hüznlə başsağlığını bildirir. Allah ona əbədi rahatlıq versin, ruhu şad olsun.
-
Azərbaycanda 2 yanvar tarixindən qüvvəyə minən kommunal xidmətlərin qiymət artımı müxalifət partiyaları və vətəndaş cəmiyyəti tərəfindən kəskin tənqidə məruz qalmış, dövlət monopoliyalarının idarə olunmasında sistematik problemləri üzə çıxarmışdır. Tarif Şurasının elektrik enerjisi, təbii qaz, su, istilik və hətta dərman vasitələrinin qiymətlərinin artırılması qərarı ictimai narazılıq doğurmuş, müxalifət liderləri hökuməti ölkənin sosial-iqtisadi problemlərini daha da dərinləşdirməkdə günahlandırmışdır.
-
Prezident İlham Əliyev 2025-ci ili "Konstitusiya və Suverenlik İli" elan etdi. Dövlət başçısının imzaladığı sərəncamda bu, 2025-ci ildə ölkə Konstitusiyasının qəbul edilməsinin 30-cu və Vətən (İkinci Qarabağ) müharibəsində qələbənin beşinci ildönümü ilə əsaslandırılır. Bəzi ekspertlər düşünür ki, bu il Konstitusiyaya növbəti dəyişiklikləri də gözləmək olar.
Rəy yaz