Daha bir fəal siyasi baxışlarına görə işdən çıxarılıb
Bakı/06.11.17/Turan: Dövlət Musiqili Dram Teatrının artisti Seymur Namazov noyabrın 3-də Müsavat Partiyasının Bakı şəhər İcra Hakimiyyətinin binası qarşısında keçirdiyi piketdə iştirak etdiyinə görə işdən azad edilib.
Namazov 17 il ərzində teatrda artist kimi işləyib. Noyabrın 4-də işə gəldikdə ona Müsavat Partiyasının piketindən artistin əks olunduğu şəkillər göstəriblər. Ona bildiriblər ki, rəhbərliyin qərarı ilə, hətta bu gün tamaşası olmasına baxmayaraq, işdən qovulub.
Namazov qeyd edib ki, əmək haqqı az olsa da, o, teatrı sevimli evi hesab edir. "Məni siyasi baxışlarıma görə qovublar. Bir piketdə iştiraka görə məni 17 il işlədiyim teatrdan qovublar", deyə Namazov bildirib.
Həm də ona qarşı Əmək Məcəlləsinin hər hansı maddəsini pozduğu haqqında sənəd təqdim edilməyib. "Mən əmək intizamını pozmamışam, teatrın işinə mane olmamışam, işə vaxtlı-vaxtında getmişəm, tamaşalarda iştirak etmişəm", deyə Namazov bildirib.
O deyib ki, siyasi baxışlarından imtina etməyəcək. "Mən Müsavat Partiyasının üzvüyəm və doğru yoldayam", deyən Namazov qeyd edib ki, partiya rəhbərliyi ilə məsləhətləşmələrdən sonra əmək hüquqlarının bərpası üçün hüquqi addımlar atacaq.
Azərbaycan Dövlət Musiqi Teatrından Namazovun işdən çıxarılmasının səbəbləri haqqında məlumat almaq mümkün olmayıb. Teatr rəhbərliyi bu mövzuda danışmaqdan imtina edir.
Bundan əvvəl Azərbaycan Milli Dram Teatrının üç aktryoru da müxalifətin mitinqində iştiraka görə işdən qovulmuşdu. Bu, mədəniyyət naziri Əbülfəz Qarayevin artistləri "dövlət əleyhinə çıxışlarda" iştiraka görə tənqid etməsindən sonra baş verib. -03B06-
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz