DAK-da yeni təyinatlar

Dünya Azərbaycanlıları Konqresi (DAK) İdarə Heyətinin ilk iclasından sonra DAK həmsədrləri Sabir Rüstəmxanlı və Firudin Pərvizniya yeni təyinatları imzalayıblar.

DAK həmsədrləri konqresin Nizamnaməsinə və İdarə Heyətinin 19 aprel 2015-ci il tarixli iclasının qərarına əsasən, həmsədrlərin birinci müavini professor Abuzər Bağırov həmsədrlərin birinci müavini, AMEA-nın elmi işçisi Yasəmən Qaraqoyunlu DAK-ın Strateji Araşdırmalar Mərkəzinin rəhbəri, Siyavuş Mustafayev Qarabağ məsələsi üzrə müşavir, Xəzər Emin Mədəniyyət məsələləri üzrə müşavir təyin edilib.

İsmayıl Ağayev Azərbaycan, Eldar Qaradağlı Avropa, professor Əkrəm Fevzi Tərzi oğlu İraq, Orhan Çiftçi Avstriya, Əhməd Qeybi Avstraliya, Fərzalı Şərifov Tacikistan, Nail Əhməd Polşa, Sərraf Kərimov Tatarıstan, Esmira Madatova ABŞ, Esmira Əsədova Kanada, Tursunay Türksoy Doğu Türküstan (Çin), Mətin Çapan Türkiyə, Leyli Rəşidli Fransa, Səməndər Mehdiyev Qərbi Azərbaycan (indiki Ermənistan) nümayəndəliklərinin başçıları təyin olunub. 

DAK-ın tərkibində Dərbənd, Borçalı, Güney Azərbaycan, Qarabağ və Qərbi Azərbaycan departamentləri yaradılıb. Yaxın günlərdə digər ölkələr üzrə nümayəndələrin də təyin olunağı gözlənilir. 

DAK Nəzarət Təftiş Komissiyasının iclasında isə Şəhruz Cəngcu (Güney Azərbaycan) NTK sədri seçilib. -05D-