![Deputat: �Bu bahalığın sıxıntısını xalq çəkir�](https://turan.az/resized/750/500/resize/media/2018/main/082800012728.jpg)
Deputat: �Bu bahalığın sıxıntısını xalq çəkir�
Bakı/28.08.18/Turan: Son zamanlar bazarlarda kənd təsərrüfatı məhsullarının bahalaşmasının müxtəlif səbəbləri ola bilər. Bunu deputat Fazil Musatafa bildirib.
Onun sözlərinə görə, burada inhisarçılığın da rolu ola bilər və bu, səbəblərdən biridir.
F.Mustafaya görə, daha bir səbəb isə ixracın artması ola bilər ki, bu da qıtlıq yarada bilər və bu da qiymətlərin bahalaşmasına səbəb olur: "Amma istənilən halda, belə məsələləri müstəqil ekspertlər şərh etməlidir və səbəblərinə aydınlıq gətirilməlidir".
Deputat hesab edir ki, burada daha çox sıxıntını vətəndaş yaşayır. Amma bu barədə düşünən yoxdur.
Fazil Mustafa ölkə mediasında gündəm olan Azərbaycanın dünyada tannmış şahmatçısı Şəhriyar Məmmədyarovun sponsoru olmaması barədə açıqlamasına da münasibət bildirib.
"Mən inanmıram ki, dünya ilə bir hörməti olan şahmatçı yalan danışıb. Birdən-birə nə oldu ki, belə top idmançı yalan desin, bu, mümkün deyil", deyə Ş. Məmmədyarovun açıqlamasına münasibət ifadə edib.
F.Mustafa ehtimal edir ki, idmançıya vəsait ayrılır, amma həmin vəsaitn bir hissəsi mənimsənilir: "Bəli, yuxarılarda da məlumat verirlər ki, bu qədər vəsait ayrılıb. Nə olursa olsun, Şəhriyar kimi şəxslər millətin brendidir. Necə olur ki, mənasız işlərə pul tapılır, amma belə bir idmançı, üçün pul tapılmır".
F.Mustafa deyir ki, bir fənn üzrə olimpiada qalibi Nəqliyyat, Rabitə və Yüksək Texnologiyalar Nazirliyinə müraciət etmişdi, təhsilini davam etdirmək üçün bu gəncə verməyə ölkədə pul "tapılmadı".
Deputat hesab edir ki, belə məsələlərdə astagəllik nəticəsində uduzan millət olur, odur ki, belə insanların bütün ehtiyacları ödənilməlidir.
"Çünki, dünya miqyasına çıxan insan artıq özünü yox, milləti, dövləti təmsil edir və onları da elə bu çərçivədən dəyərləndirmək lazımdır. --0--
-
- Cəmiyyət
- 28 Avqust 2018 18:05
-
- Çətin sual
- 29 Avqust 2018 10:50
Cəmiyyət
-
Ədalət Naminə Həmrəylik Komitəsinin təşəbbüsü ilə təşkil edilən, Azərbaycanda insan hüquqları vəziyyətinə həsr olunmuş vətəndaş cəmiyyəti fəallarının onlayn görüşündə jurnalistlərin, siyasi fəalların və müharibəyə qarşı çıxanların həbsi ilə bağlı ciddi narahatlıqlar vurğulandı. Avqustun 30-da keçirilən bu toplantı Beynəlxalq İtkin Düşənlərin Anım Günü ilə üst-üstə düşdü və Qarabağ müharibələrindən sonra həm Azərbaycan, həm də Ermənistan cəmiyyətlərinin qarşılaşdığı davamlı çətinlikləri diqqətə çatdırdı.
-
Sentyabrın 1-də Bakıda və Abşeron yarımadasında hava yağıntısız olacaq. Şimal-qərb küləyi gündüz cənub-şərq küləyi ilə əvəz olunacaq. Havanın temperaturu gecə müsbət 21+26, gündüz müsbət 33+38 dərəcə olacaq, Milli Hidrometeorologiya Xidməti bildirib.
-
Ölkənin aparıcı mobil operatoru "Milli və müasir" rəqəmsal muzeyini təqdim edir Azercell milli dəyərlərimizi müasir texnologiyalar vasitəsilə yaşatmaq, onları geniş auditoriyaya tanıtmaq və gələcək nəsillərə çatdırmaq məqsədilə "Milli və müasir" rəqəmsal muzeyi layihəsini təqdim edir. Bu innovativ təşəbbüs sənət və texnologiyanı birləşdirərək şirkətin hər iki sahəyə olan dəstəyini bir daha vurğulayır.
-
Bakının Suraxanı rayonu ərazisində sənaye zonasında bir obyektdə yanğın başlayıb. Yanğının söndürülməsinə FHN-in Dövlət Yanğından Mühafizə Xidmətinin qüvvələri cəlb olunub.
Rəy yaz