Deputat Elman Nəsirov. aznews.az
Bakı/29.06.17/Turan: İyunun 29-da Bakı Apellyasiya Məhkəməsi jurnalist Əfqan Muxtarlının həbsin ev dustaqlığı ilə əvəz edilməsi haqqında şikayətini təmin etməyib.
Muxtarlının özünün iştirakı ilə proses qapalı rejimdə keçirilib. Vəkil Elçin Sadıqov bildirib ki, müdafiə tərəfi sədrlik edən hakim Vüqar Məmmədovu qətimkan tədbirinin dəyişdirilməsinin tamamilə əsaslı olduğuna inandırmağa çalışıb. Amma məhkəmə heyəti şikayəti təmin etməyib.
İyunun 20-də Nəsimi rayon məhkəməsi də qətimkan tədbirini dəyişdirməkdən imtina edib. Müdafiə tərəfi Avropa Məhkəməsinə müraciət etmək niyyətindədir.
Vəkil həmçinin müvəkkilinin işində bəzi yeniliklər haqqında danışıb.
"Əfqan Muxtarlının səhhətindəki problemlər dava edir. Ancaq əlaqəli qurumlara müraciət olunsa da, ona yardım göstəriolməsi ilə bağlı gərəkli addımlar atılmı", deyə vəkil bidirib.
E.Sadıqov əlavə edib ki, Ə.Muxtarlı Gürcüstanın Azərbaycandakı səfirliyinin onunla maraqlanmamasından narazıdır.
"Jurnalist hələ də Gürcüstanın Azərbaycandakı səfiriliyinin nümayəndəsinin onunla görüşə gələcəyini gözləyir. Bundan əvvəl Ə.Muxtarlının səfirliyə belə müraciəti olmuşdu. O hesab edir ki, Gürcüstan hökuməti onun Tbilisidən oğurlanıb gətirilməsinə aydınlıq gətirməlidir".
Vəkil həmçinin deyib ki, Əfqan Muxtarlı ilə bağlı açılmış cinayət işi bir neçə il əvvəl açılan başqa bir cinayət işi ilə - Almaniyadan fəaliyyət göstərən Meydan TV internet televiziyasının cinayət işi ilə birləşdirilib. İki cinayət işinin birgə araşdırılacağını söyləyən vəkil istintaq qrupuna əlavə şəxslərin cəlb olunacağını xəbər verib.
Əfqan Muxtarlının işi ilə bağlı daha bir yenilik millət vəkili Elman Nəsirovun işə cəlb edilməsi ilə bağlıdır.
"İTV-nin əməkdaşının və deputat Elman Nəsirovun Əfqan Muxtarlının Gürcüstandan Azərbaycana gətirilməsinin xüsusi əməliyyat olması haqda açıqlaması olmuşdu. Biz bununla əlaqədar vəsatət vermişdik. İTV-nin "Carçı" proqramının əməkdaşının və deputatın istintaqa cəlb edilib dindirilməsini istəmişdik. Bu vəsatətlərimizi istintaq təmin edib", deyə vəkil bildirib. -0-
Cəmiyyət
-
İyun ayında çimərlik mövsümü açılacaq, Gigiyena və Epidemiologiya Mərkəzi bəzi çimərliklərdə dəniz suyunun çirkləndiyini, digərlərində təmiz olduğunu elan edəcək. Hər il Abşeron çimərliklərində dəniz suyunun bakterioloji göstəriciləri əvvəlki kimi qalır: yarımadanın şimal sahili nisbətən təmizdir, Bakı, Sumqayıt, Yalama və Xaçmaz yaxınlığındakı çimərliklər isə dənizə girənlərə ağır xəstəliklər bəxş edə bilər.
-
Bu gün Bakının mənzərəli Səbail rayonunda, Xəzər dənizinə baxan yerdə hüquqşünas Aslan İsmayılov bir qrup fədakar ekofəal ilə birlikdə mühüm mərhələni - vaxtilə dağılmış, torpaq sürüşməsinə məruz qalmış yamacda yaradılmış parkın yeddinci ildönümünü qeyd edib. Boş çöldə salınmış bu yaşıl məkan şəhərin genişlənən yaşıl zolağının həyat əhəmiyyətli hissəsini təmsil edir və ətraf mühitin bərpası üzrə uğurlu layihədir.
-
Bazar günü, mayın 5-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir. Əsasən səhər və axşam bəzi yerlərdə yağış yağacağı ehtimalı var. Mülayim cənub küləyi gecəyə doğru arabir güclənən şimal-qərb küləyi ilə əvəz olunacaq.
-
Bakcell Fəvvarələr Meydanında yeni brend kimliyinə uyğun innovativ mağazasını təqdim etdi. Mayın 3-dən etibarən faəliyyətə başlayan mağazanın açılışında Bakcell-in süni intellekt dəstəkli insanabənzər robotu Ardi iştirak edib.
Rəy yaz