Parlamentə CM-in bir çox maddələri üzrə cəzaların humanistləşdirilməsi haqqında qanun layihəsi təqdim edilib

Bakı/29.06.17/Turan: Azərbaycan prezidenti İlham Əliyev parlamentə cəzanın humanistləşdirilməsinə yönəlmiş düzəlişlər layihəsini göndərib.

Xüsusən, böyük ictimai təhlükə yaratmayan və ya ehtiyatsızlıqdan törədilmiş 10-dan çox əməlinin dekriminallaşdırılması nəzərdə tutulur.

Eyni zamanda, mülkiyyətə qarşı cinayətə görə məsuliyyət yaradan məbləğ 100 manatdan 500 manata qədər qaldırılır, amma bu əməllər inzibati pozuntulara tövsif edilir.

Bundan başqa, CM-ə yaşayış yeri üzrə nəzarət altında cəza çəkilməsini nəzərdə tutan yeni cəza növü tətbiq edilir. O, CM-in 140-dan çox maddəsi üzrə alternativ cəza tədbiri kimi tətbir edilir.

CM-in daha 80 maddəsində azadlıqdan məhrumetməyə alternativ kimi cərimə tətbiq edilir.

Eyni sayda maddədə maksimum azadlıqdan məhrumetmə həddi azaldılır.

35 cinayət əməli az ağır cinayətdən böyük ictimai təhlükə doğurmayan əməllərə keçirilir.

Daha 6 cinayət ağır cinayətlər qrupundan az ağır cinayətlər qrupuna keçirilir.

Bundan başqa, zərərçəkmişlərlə barışıq institutunun təkmilləşdirilməsi nəzərdə tutulur. Belə ki, 20-dən çox cinayətdə barışıq və ziyanın ödənilməsi şərti ilə cinayət məsuliyyətindən azad edilmə nəzərdə tutulur.

Bundan başqa, narkotik maddələri satış məqsədi olmadan özü üçün saxlayan və istifadə edən şəxslərin xəstə kimi tanınması və məcburi müalicəyə götürülməsi nəzərdə tutulur.

Amma bu halda cinayət məsuliyyətindən azadetmə yalnız bir dəfə tətbiq ediləcək. -06D-