Dini Etiqad və Vicdan Azadlığını Müdafiə Mərkəzi (DEVAMM) Parisdə baş vermiş terror aktını pisləyən bəyanat yayıb.
Bu terror aktı anti-bəşəri cinayət sayılaraq birmənalı pislənilir və islam dinilə daban-dabana zidd olduğu xüsusi vurğulanır. “Bunu təkfirçi İŞİD-in son zamanlar həyata keçirdiyi anti-islami davranışın bir halqası kimi dəyərləndiririk”-deyə sənəddə qeyd edilir.
Sənəddə həmçinin baş verən terror olayında illərlə qızışdırılan islamfobiyanın və müsəlmanlara sərgilənən ikili standartların da böyük rolu olması təəssüflə vurğulanır. Söz azadlığı və özünüifadə kimi mühüm bəşəri dəyərlər adı altında müqəddəs dəyərlərə təhqir olan əməllər müsəlman dünyasına qarşı mənəvi terror adlandırılır. Bununla yanaşı bu terror aktının müsəlmanlara qarşı ciddi qıcıq yaradılması niyyəti güdən hansısa projenin tərkib hissəsi, Avropa insanının şüurunda aqressiv müsəlman kimi sabit obrazın yaradılması cəhdi olması da istisna edilmir.
“İstənilən halda baş verənləri şiddətlə qınayırıq, müsəlman toplumlarında köklü maarifçilik işlərinin aparılmasının zəruriliyini bir daha vurğulayırıq”-deyə müəlliflər qeyd edirlər.
Baş verən hadisələrin Mühəmməd peyğəmbər (ə.s)-ın mövlud günlərinə təsadüf etməsinə diqqət çəkilir və bu anti-insani aktın islam əlyehinə bir qondarma oyun olması təəssüratını gücləndirdiyi qeyd olunur.
Sənədin sonunda bu terror aktı nəticəsində dünyasını dəyişən günahsız insanların yaxınlarına başsağlığı verilir, yaralılara tezliklə şəfa dilənir.
Xatırladaq ki, Parisdə nəşr edilən “Chearlie Hebdo” jurnalının redaksiyasına teror basqını edilib, bu basqın nəticəsində 12 nəfər qətlə yetirilib, daha 10 nəfər yaralanıb. Terrorçular “Məhəmməd peyğəmbərin qisası alındı, Allahu Əkbər” nidaları ilə aktı törədiblər.-05D-
Cəmiyyət
-
Azərbaycanın Ekologiya və Təbii Sərvətlər Nazirliyi (ETSN) ölkə üzrə genişmiqyaslı meşə bərpa səyləri barədə məlumat verərək, meşə ərazilərinin genişləndirilməsi məqsədilə on minlərlə ting əkildiyini açıqlayıb. Lakin tənqidçilər nazirliyin eyni zamanda özəl şirkətlərə torpaq icarəyə verməklə meşələrin qırılmasına şərait yaratdığını iddia edirlər.
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
Rəy yaz