![Açiq mənbələrdən foto.](https://turan.az/resized/750/500/resize/media/2021/main/121400042227.jpg)
Açiq mənbələrdən foto.
DİN başçısı hüquq müdafiəçilərini qəbul edib və vədlər verib
Bakı/14.12.21/Turan: Dünən, dekabrın 13-də "Müdafiə Xətti" İnsan Haqları Təşkilatının həmtəsisçiləri Rüfət Səfərov, Zəfər Əhmədov, Zaur Əkbər, Əlayif Həsənov daxili işlər naziri Vilayət Eyvazovla görüşüb.
3 saat davam edən görüşdə nazir müavini İsmət Əliyev, Bakı Şəhər Baş Polis İdarəsinin rəisinin əməliyyat işləri üzrə müavini Vüqar Ələkbərov və Daxili İşlər Nazirliyinin Mətbuat Xidmətinin rəisi Ehsan Zahidov da iştirak edib.
Bu gün "Müdafiə Xətti" təşkilatının həmtəsisçiləri keçirdikləri mətbuat konfransında bildirblər ki, nazirlər görüşdə polis-vətəndaş münasibətləri, polisin saxlama təcridxanalarında monitorinqlərin keçirilməsi, obyektiv və şəfaf istintaq aparılması, hüquq müdafiə işlərinin təşkili məsələləri müzakirə olunub.
Azərbaycan Xalq Cəbəhəsi Partiyasının fəalı, Gəncədə narkotik maddələrin qanunsuz dövriyyəsi ittihamı ilə həbs edilmiş Şahin Hacıyevin məsələsi ayrıca müzakirə olunub.
Eyni zamanda, 39 gündür aclıq edən Saleh Rüstəmlinin işi ilə bağlı fikir mübadiləsi aparılıb.
"Müdafiə Xətti"nin icraçı direktoru Rüfət Səfərov bildirib ki, nazir müvəqqəti saxlama təcridxanalarının monitorinqi məsələsinin "tədricən həll ediləcəyini" vəd edib.
Həbs edilmiş Hacıyevin hüquqlarının pozulması faktları və polisin əsassız olaraq onu narkobaron adlandırması nazirin diqqətinə çatdırılıb. Sonradan Hacıyevə "təqsirini boynuna alması" təklif edilib, müalicəyə göndəriləcəyi vəd olunub. Nazir bu işin nəzarətə götürülməsi barədə göstəriş verib.
Görüşdə həmçinin onlarla hərbiçinin və mülki şəxsin əsassız olaraq dövlətə xəyanətdə ittiham olunduğu "Tərtər hadisələri" ilə bağlı tədqiqatlar zamanı kobud pozuntulara toxunulub. -0306B-
-
- İqtisadiyyat
- 14 Dekabr 2021 15:10
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz