DİN: Biləcəridə partlayışa qaz sızması səbəb olub (YENİLƏNİB)
Oktyabrın 8-də Biləcəri qəsəbəsindəki marketdə baş vermiş partlayış qurbanlarının sayı iki nəfərə çatıb. Xatırladaq ki, bir nəfər hadisə yerində həlak olub.
Digər şəxs bir neçə saatdan sonra xəstəxanada dünyasnı dəyişib. Bu barədə Turan-a Səhiyyə Nazirliyinin “qaynar xətt”indən bildirilib.
Öz növbəsində 5 saylı şəhər xəstəxanasının yanıq şöbəsinin həkimi İsgəndər İsgəndərov Turan-a bildirib ki, şöbəyə 6 zərərçəkən yerləşdirilib. Onlar 2-3 dərəcəli yanıq xəsarəti ilə reanimasiya şöbəsinə yerləşdiriliblər. Həyatlarına təhlükə yoxdur.
DİN-in məlumatına görə, partlayış saat 18:00-da 16 mərtəbəli yaşayış binasının birinci mərtəbəsindəki “Army” marketinin soyuducu anbarında qaz sızması nəticəsində baş verib.
Partlayış nəticəsində Quba rayon sakini Ehtiram Əmrahov uçqunlar altında qalaraq hadisə yerində həlak olub. İkisi qadın olmaqla 8 nəfər xəsarət alıb. Onlar xəstəxanaya yerləşdirilib.
Partlayış nəticəsində binanın beton örtüyü uçub, üç avtomobilə ziyan dəyib, bəzi mənzillərin pəncərələri sınıb.-16/03B-
2014 Oktyab 08 (Çərşənbə) 21:14:30
Bakı şəhəri, Binəqədi rayonu, Biləcəri qəsəbəsində hündür mərtəbəli yaşayış binasına bitişik, qanunsuz tikilmiş, anbar kimi istifadə olunan tikilidə partlayış hadisəsi baş vermişdir. Dərhal Fövqəladə Hallar Nazirliyinin xilasetmə qüvvələri hadisə yerinə cəlb edilmişdir. İlkin məlumata əsasən dağıntılar altından bir nəfər kişi cəsədi aşkar edilərək çıxarılmış, hadisə nəticəsində beş nəfər xəsarət alan şəxslər isə Təcili Tibbi Yardım Xidmətinə təhvil verilmişdir. Hazırda hadisənin nəticələrinin aradan qaldırılması istiqamətində işlər davam etdirilir. Əlavə məlumat veriləcək. Bu barədə FHN-nin rəsmi məlumatında bildirilir.
2014 Oktyab 08 (Çərşənbə) 18:49:32
Bu gün yerli vaxtla saat !?:30-da Bakı Beynəlxalq Avtovağzalı yaxınlığında yerləşən “Army” marketdə partlayış baş verib. FHN-in məlumatına görə, partlayış nəticəsində 5 nəfər xəsarət alıb.
Xilasedicilər uçqun altında qalan bir nəfəri xilas edib. Hazırda yanğınsöndürənlər yanğının qarşısının alınması istiqamətində tədbirləri davam etdirir.
Partlayışın səbəbi hələlik məlum deyil. -16D-
-
- İqtisadiyyat
- 9 Oktyabr 2014 14:46
-
- İqtisadiyyat
- 9 Oktyabr 2014 15:33
Cəmiyyət
-
Müsəlman Birliyi Hərəkatının üzvü, 7 il həbsdə saxlandıqdan sonra 20 gün əvvəl azadlığa buraxılan Əhsən Nuruzadə yenidən saxlanılıb. Bu barədə Turana Müsəlman Birliyi Hərəkatından verilən məlumatda bildirilir ki, dini inanclı fəal oktyabrın 26-da qızının gözü qarşısında saxlanılaraq aparılıb. Onun hansı səbəbdən saxlanması, hara aparılması haqda yaxınlarına heç bir məlumat verilməyib.
-
Həbsxanada 136 gündür aclıq edən İstanbul Universitetinin doktorantı Fazil Qasımovun səhhəti ağır olaraq qalır.
-
Oktyabrın 27-də Bakıda və Abşeron yarımadasında bəzi yerlərdə arabir yağış yağacağı gözlənilir. Gecə yarımadanın bəzi yerlərində leysan xarakterli olacağı, şimşək çaxacağı ehtimalı var. Səhər tədricən kəsiləcək, gündüz hava dəyişkən buludlu, əsasən yağıntısız keçəcək. Arabir güclənən şimal-qərb küləyi gündüz mülayimləşəcək.
-
Oktyabrın 25-də paytaxtın Nizami rayonundakı “Astoria” mehmanxana kompleksində yanğın baş verib.
Rəy yaz