![DİN vətəndaşın cibinə narkotik qoyulması ilə bağlı ittihamları təkzib edir](https://turan.az/resized/news/2024/CphlfLjqCK2i4Iylju3Sj4ULvI4nL0524P1ZpBhI-750-500-resize.webp)
DİN vətəndaşın cibinə narkotik qoyulması ilə bağlı ittihamları təkzib edir
DİN vətəndaşın cibinə narkotik qoyulması ilə bağlı ittihamları təkzib edir
Sosial şəbəkələrdə polis əməkdaşının vətəndaşın cibinə bir paket qoyduğuna, daha sonra şiddət tətbiq edərək onu saxladığına dair görüntülər yayılıb. Bu kadrların yayılmasından bir gün sonra DİN onlara münasibət bildirib.
DİN-in Mətbuat Xidmətinin media və ictimaiyyətlə əlaqələr şöbəsinin rəisi, polis mayoru Anar Qafarov yayılan görüntülərlə bağlı mətbuatın sorğusuna cavab olaraq bildirib ki, görüntülər 5 il öncə Sabunçu rayonunda qeydə alınıb.
"Ərazidə keçirilən əməliyyat tədbiri zamanı bir nəfər özünü şübhəli apardığından polis əməkdaşı ona yaxınlaşıb. O, polisin qanuni tələbinə qəsdən tabe olmadığına görə fənd tətbiq olunaraq saxlanılıb və yoxlanılması üçün polis bölməsinə aparılıb.
Araşdırmalarla müəyyən edilib ki, həmin şəxsin ərazidə axtarışı aparılan digər şübhəlilərlə əlaqəsi yoxdur. Onun barəsində aqressiv davranışına görə inzibati xəta haqqında protokol tərtib olunaraq 50 manat cərimə tətbiq edilməklə sərbəst buraxılıb.
Qeyd olunanları nəzərə alaraq, diqqətə çatdırırıq ki, vətəndaşın narkotiklə ittiham edilməsi və digər əsası olmayan iddialar həqiqəti əks etdirmir", deyə DİN-in məlumatında bildirilir.
Bu məlumatda bir çox ziddiyyətlər və uyğunsuzluqlar var. İlk növbədə sual yaranır: Şəxsin təqsiri yox idisə və polis tərəfindən axtarışda olanlarla əlaqəsi yox idisə, onu niyə cərimə ediblər?
"Özünü aqressiv aparıb" nə deməkdir? Naməlum şəxs cibinə nə isə qoyursa, normal şəxs necə reaksiya verməlidir?
Yeri gəlmişkən, məlumatda polisin səhvən cinayətkar hesab etdiyi vətəndaşdan üzr istədiyi bildirilmir.
Bütün bu hərəkətlər bu idarənin əməkdaşlarının rəhbər tutmalı olduğu "Polis haqqında" Qanuna ziddir.
-
- Maliyyə
- 17 İyul 2024 13:09
Cəmiyyət
-
İyulun 17-də Bakıda və Abşeron yarımadasında hava şəraitinin dəyişkən buludlu olacağı, əsasən yağmursuz keçəcəyi, lakin günün birinci yarısında bəzi yerlərdə arabir yağış yağacağı gözlənilir. Mülayim şimal-qərb küləyi əsəcək.
-
Fövqəladə Hallar Nazirliyinin "112" qaynar telefon xəttinə Xızı rayonu, Yeni Yaşma qəsəbəsi ərazisində sursat aşkar edilməsi barədə məlumat daxil olub. Məlumatla əlaqədar dərhal FHN-in Xüsusi Riskli Xilasetmə Xidmətinin (XRXX) minalardan təmizləmə üzrə çevik qrupu hadisə yerinə cəlb edilib.
-
Dünən, iyulun 16-da Şamaxı rayonunun Məlikçobanlı kəndində toy zamanı kütləvi zəhərlənmə baş verdiyi bildirilir.
-
Bu il Aşura ilə əlaqədar ölkədə 35 ünvanda qanvermə məntəqələri təşkil olunub. Ötən il belə məntəqələrin sayı 16 olub. Bu barədə Dini Qurumlarla İş üzrə Dövlət Komitəsinin məlumatında deyilir.
Rəy yaz