Din xadimləri üçün ixtisasartırma kursları fəaliyyətə başladı

Din xadimlərinin ixtisaslarını təkmilləşdriməsi üçün Qafqaz Müsəlmanları İdarəsinin (QMİ) təşkil etdiyi ixtisasartırma kursları çərşənbə günündən fəaliyyətə başlayıb.   

Kurslar 21 gün davam edəcək, hər dəfə bu müddət ərzində 50 din xadimi təkmilləşdirmə kurslarından keçəcək.

QMİ-nin tabeçiliyində olan bütün dini heyətin bu kurslardan keçməsi qərara alınıb. Bundan sonra isə din xadimlərinin hər 3 ildən bir təkmilləşdirmə kursundan keçməsi nəzərdə tutulur. Kurslar başa çatdıqdan sonra din xadimlərinə sertifikatlar təqdim olunacaq.

QMİ sədrinin müavini Hacı Salman Musayev kurslarda din xadimlərinin siyasi, fəlsəfi, xüsusi dini elmləri öyrənəcəklərini deyib. Bundan əlavə, “Dini etiqad azadlığı haqqında” qanunla bağlı maarifləndiriləcəklər. S.Musayev kursların təşkilini müsbət hadisə kimi dəyərləndirib. O, bütün sahələrdə olduğu kimi, dini sahədə də ixstisasartırma kurslarına ehtiyac olduğunu vurğulayıb. Din xadimlərinin çalışdıqları sahədə cari dövrün prioritetlərinin nədən ibarət olmasını, dini durumu, ictimai-siyasi vəziyyəti bilmələri üçün belə təkmilləşdirmə kurslarının rolunun əhəmiyyətli odluğu qeyd edilib. -05B-