Daxili İşlər Nazirliyi dünən Zaqatalada baş verən atışma ilə bağlı məlumat yayıb.
Nazirliyin məlumatına görə, noyabrın 24-də saat 16.00 radələrində Zaqatala rayonu Yuxarı Tala kəndinin ərazisində “VAZ-2107” markalı avtomobili idarə edən naməlum şəxs Balakən rayon sakini Vüsal Əliqayevin idarə etdiyi “Hyundai” markalı avtomobilin istiqamətində avtomat silahdan atəş açıb.
V.Əliqayevin sərnişinləri - Balakən rayon sakini Kamil Hüşənov, Bakı şəhər sakinləri Vasif Cəfərov və Vüqar Rəcəbov aldıqları güllə yarasından hadisə yerində ölüb, özü isə xəsarət alıb.
Keçirilmiş əməliyyat-axtarış tədbirləri nəticəsində hadisənin Balakən rayon sakini Samir Osmanov tərəfindən törədilməsi müəyyən edilib.
Faktla əlaqədar cinayət işi başlanıb.
Polis və prokuroqluq orqanları tərəfindən cinayəti törətməkdə şübhəli bilinən şəxsin tapılıb-tutulması istiqamətində istintaq hərəkətləri və əməliyyat-axtarış tədbirləri aparılır. -16D-
2013 Noyabr 25 (Bazar ertəsi) 11:46:39
Noyabrın 24-də Zaqatala rayonu ərazisində Yuxarı Tala kəndi yaxınlığında avtomobil yolunda bir minik avtomobilindən digərinə atəş açılıb. Avtomobildə olan 4 nəfərdən 3-ü güllə yarasından ölüb. Dördüncü şəxs ağır vəziyyətdə xəstəxanaya yerləşdirilib.
Faktla bağlı Zaqatala Rayon Prokurorluğunda Cinayət Məcəlləsinin 120,2.7 (iki və daha çox şəxsin qəsdən öldürülməsi), 228-ci (qanunsuz olaraq odlu silah, onun komplekt hissələrini, döyüş sursatı, partlayıcı maddələr və qurğular əldə etmə, başqasına vermə, satma, saxlama, daşıma və gəzdirmə) maddələri ilə cinayət işi başlanıb.
Zaqatala Rayon Prokurorluğundan Turan-a bildirilib ki, hazırda hadisə yerində araşdırmalar davam edir. İstintaq sirri olduğundan hadisənin motivi, iştirakçıları barədə məlumat verilməyib.
Turan-a yerli mənbələrdən məlum olub ki, hadisə yerində yerli orqanlarla yanaşı mərkəzi strukturların mütəxəssisləri də çalışır.
Yerli mənbələrin məlumatına görə, silahlı insidentdə iştirak edənlərdən biri Rusiyadan toya gəlib. Müşahidəçilər güman edirlər ki, bu, Rusiyada qruplaşmalar arasında olan mübahisənin Azərbaycanda davamı ola bilər. Müşahidəçilər mübahisənin daha çox qanunsuz narkoticarətlə bağlı olduğunu güman edirlər.
Rəsmi orqanlar hadisə ilə bağlı məlumat vermir. -03B-
Cəmiyyət
-
Azərbaycanda yaxın günlərdə temperaturun kəskin enməsi və ölkə ərazisində fırtınalı, yağıntılı hava şəraitinin müşahidə olunacağı gözlənilir. Milli Hidrometeorologiya Xidməti bazar ertəsi bildirib ki, bəzi ərazilərdə intensiv yağıntılar, dağlıq və dağətəyi rayonlarda qar yağışı, yolların buz bağlaması və güclü külək proqnozlaşdırılır.
-
İnnovasiya və sürət lideri “Bakcell” prestij və fərqliliyi sevən müştəriləri üçün xüsusi olaraq 100 seriyalı nömrələrini təqdim edir. Yeni seriya çərçivəsində müştərilər “055 100 XX XX” formatında unikal nömrələr əldə edə biləcəklər.
-
Vəkil Aslan İsmayılov, Ali Məhkəmənin və Məhkəmə-Hüquq Şurasının sədri İnam Kərimova ictimai müraciət edərək, ölkənin məhkəmə sistemində təcili islahatlar aparılmasını tələb edib. İsmayılov, məhkəmələrdəki sistematik korrupsiya və prosedur pozuntularının ictimai narazılığı artırdığını və bunun gələcəkdə daha geniş etirazlara səbəb ola biləcəyini xəbərdarlıq edib.
-
Sərhəd axtarışı və əməliyyat tədbirləri nəticəsində yanvar ayının 30-da saat 11:20-də "Göytəpə" sərhəd dəstəsinin xidməti ərazisində 16,4 kq narkotik vasitə (11 kq 300 qram marixuana, 5 kq 100 qram tiryək) və 1990 ədəd narkotik tərkibli güclü təsiredici metadon M - 40 həbinin qaçaqmalçılıq yolu ilə İrandan Azərbaycana ərazisinə keçirilməsinin qarşısı alınıb.
Rəy yaz