Bəxtiyar Babaşov
17 saylı cəzaçəkmə müəssisəsində cəza çəkən Müsəlman Birliyi Hərəkatının (MH) fəalı Bəxtiyar Babaşov fiziki təzyiqə məruz qalıb. Bu barədə onun həyat yoldaşı, jurnalist və hüquq müdafiəçisi Arzu Abdulla məlumat verib.
Noyabrın 30-da o, ərinin cəza çəkdiyi müəssisənin qarşısında etiraz aksiyası keçirib.
O, ərinə və digər məhbuslara qarşı zorakılığın dayandırılmasını tələb edib.
“Bəhanə də bu olub ki, Bəxtiyarın əynindəki gödəkçə uzundu, papağı dimdiklidi. Onun qısa gödəkçəsini yumağa aparmışdım. Rejim rəisi Samid Qafarov onun üstünə cumub. Sinəsindən tutub divara çırpıb. Yumruqla vurub. Bu, nə deməkdir? Kefim istəyir, səni döyə bilərəm? Buna kim bu ixtiyarı verir»– Arzu Abdulla bildirib.
Onun sözlərinə görə, cəzaçəkmə müəssisəsinə köçürülən məhkumlar əvvəl bir müddət karantində saxlanılır. O müddətdə məhbusun yanına gətirilən ərzaq və başqa məhsullar bir sıra hallarda müəssisədəki mağazaya verilərək satılır.
Arzu Abdulla baş verənlərlə əlaqədar Penitensiar Xidmətə şikayət edib. Lakin bu qurumdan onun dediklərini təkzib ediblər. Penitensiar Xidmətdən deyilib ki, Samid Qafarov tərəfindən Bəxtiyar Babaşova qarşı zorakılıq olmayıb
Penitensiar Xidmətdən məsələ ilə bağlı şərh almaq mümkün olmayıb.
Müsəlman Birliyi Hərəkatının fəalı Bəxtiyar Babaşev 2023-cü ilin martında narkotik alverində ittiham edilərək həbs edilib. Həmin ilin oktyabrında məhkəmə onu 4 il müddətinə azadlıqdan məhrum edib. Hüquq müdafiəçiləri onu siyasi məhbus kimi tanıyıblar.
Cəmiyyət
-
Bu il sertifikatlaşdırmaya 22 min xarici dil müəllimi və ötən il uğur qazana bilməyən 4 min müəllim cəlb ediləcək. Bu barədə fevralın 12-də Məktəbəqədər və Ümumi Təhsil üzrə Dövlət Agentliyinin (MÜDTA) direktoru Eşqi Bağırov jurnalistlərə açıqlamasında deyib.
-
Fevralın 13-də paytaxtda və Abşeron yarımadasında yağıntı gözlənilir. Şimal-qərb küləyi cənub-şərq küləyi ilə əvəz olunacaq. Havanın temperaturu gecə 1-3, gündüz 5-8 dərəcə, nisbi rütubət 70-80% təşkil edəcək.
-
"Son 10 ildə ali təhsil müəssisələrinə qəbul göstəricisi artıb və bu da kəmiyyət göstəricisidir". Bunu təhsil naziri Emin Əmrullayev fevralın 10-da Bakıda Dünya Bankının illik qlobal hesabatının təqdimatında deyib.
-
Gənclər Azərbaycanı beynəlxalq olimpiadalarda təmsil etməyə hazırlaşır Təhsil İnsititutunun təşəbbüsü və Azercell-in dəstəyilə İT üzrə beynəlxalq olimpiadalara hazırlaşan milli komandamız üçün növbəti “Qış Kampı” təşkil olunub. Bu dəfə düşərgə çərçivəsində məktəblilərimiz Oxford Universitetinin Avtonom maşınların idarə olunması üzrə məzunu Tərlan Süleymanov və Google Texnologiya şirkətinin Poqram təminatı mühəndisi Rəhim Məmmədli ilə görüşmək, onların dəyərli təcrübəsindən faydalanmaq imkanı əldə ediblər. Qonaqlar iştirakçılara müasir proqramlaşdırma dilləri və texnologiyaları barədə master-klass keçiblər.
Rəy yaz