Fevralın 15-dən Lənkəranda işə başlayan “Dövlət-din münasibətləri və maarifləndirmə işi” mövzusunda iki günlük regional konfrans bu gün başa çatır. Bu haqda Turan-a Dini Qururmlarla iş üzrə Dövlət Komitəsindən məlum olub.
Tədbirin təşkilatçısı dini komitə, İslam Konfransı Gənclər Forumudur. Tədbirə ölkənin cənub bölgəsində fəaliyyət göstərən dini icma sədrləri, imam və axundlar, fəal dindar və ilahiyyatçılar qatılıblar.
Tədbir çərçivəsində çıxış edən İslam Konfransı Gənclər Forumu Avrasiya Regional Mərkəzinin rəhbəri Elçin Əsgərov Azərbaycan xalqının islama tövhələri haqda danışıb. Ölkədə dinlərarası münasibətlərin sağlam şəkildə formalaşdığı nəzərə çatdırılıb.
XX əsrin əvvəlində, Azərbaycan Demokratik Respublikası dövründə məzhəblərarası yaxınlaşmada ziyalı və din xadimlərinin əvəzsiz rolu qeyd edilib. 70 illik sovet dönəmində ənənələrin qırıldığı deyilib, nəticədə xaricdə formalaşan cərəyanların Azərbaycana zidd ənənələr gətirməsinə diqqət çəkilib. Natiq ölkə dindarlarına vəzifə olaraq dini ənənələrini tam bərpa etmək, xarici təsirlərdən qorunmaq tövsiyyəsi verib. Komitə sədrinin müavini Səyyad Salahlı dinindən asılı olmayaraq hər bir vətəndaşın vətəni önündə vəzifələrinə toxunub. Milli məsələdə ölkə vətəndaşlarının birlik nümayiş etdirməsi önə çəkilib. Din xadimlərinin, dini liderlərin siyasətə qoşulmamaq şərtilə, öz vəzifələrini yerinə yetirməklə dövlətə yardımçı ola bilmələri vurğulanıb.
Tədbirdə natiqlər Aqil Şirinov və Əliheydər Zülfüqarovun çıxışları dini radikalizmlə bağlı olub. Hazırda dünyada islamı radikalizmə çəkmək cəhdlərinin geniş vüsət alması qeyd edilib. Azərbaycanda bu səhədə müəyyən nöqsanlar olduğu vurğulanıb.
Dini radikalizmə qarşı mübarizədə maarifçilik əsas silah sayılıb. Dinin düzgün şəkildə insanlara aşılanması radikalizmin qarşısını alan ən güclü vasitə hesab olunub.
Daha bir çıxış dini icmaların fəaliyyətlərindəki problemlərinə, icma üzvlərinin vəzifələrinə həsr edilib. Bir çox hallarda icmaların üzləşdikləri problemlərin bilavasitə Nizamnamələrilə tanış olmamalarından yarandığı iddia edilib. -05D-
Cəmiyyət
-
Bazar günü, yanvarın 12-də Bakıda və Abşeron yarımadasında havanın dəyişkən buludlu, arabir tutqun, əsasən yağmursuz olacağı gözlənilir.
-
Yanvarın 11-də Bakıda hava dəyişkən olacaq, yağıntı olmayacaq. Səhər Abşeronun bəzi yerlərində qısamüddətli yağış yağa bilər. Mülayim cənub-qərb küləyi əsəcək.
-
Yeni funksiya sayəsində müştərilər fərdiləşdirilmiş təkliflərdən birbaşa ”Azercell” tətbiqindən faydalana biləcəklər Abunəçilərinə ən yaxşı rəqəmsal təcrübəni təqdim etməyi hədəfləyən lider mobil operator “Azercell” tətbiqinin texnoloji imkanlarını genişləndirməyə davam edir. Abunəçilər üçün xüsusi hazırlanan təkliflərlə artıq birbaşa tətbiqdən tanış olmaq və rahat şəkildə faydalanmaq mümkündür.
-
2017-ci ildə Sumqayıt Şəhər Məhkəməsi Qubadlıdan qaçqın olan Əliyevlər ailəsinin (Əkbər, Sərvinaz, Ramil və daha iki ailə üzvü) 12-ci mikrorayon, ev 7A, mənzil 35 ünvanında qanunsuz tutduğu mənzildən çıxarılması barədə qərar qəbul edib. Məhkəmə əmlakın qanuni sahibinə- Səmayə Əliyevaya qaytarılması barədə qərar qəbul edib.
Rəy yaz