Diplomatiya Akademiyası veterinar və zootexnik hazırlayacaq?
Bu gün AzərTAc dövlət agentliyi ADA Universiteti (Diplomatiya Akademiyası) və Kənd Təsərrüfatı Nazirliyi arasında mütəxəssislərin hazırlanması üzrə Anlaşma Memorandumu imzalandığı barədə məlumat yayıb.
Mənbənin məlumatına görə, Diplomatiya Akademiyası Kənd Təsərrüfatı Nazirliyi üçün mütəxəssislər hazırlayacaq.
Bu məlumatı bir aprel zarafatı kimi qəbul etmək olardı, amma yayın ortalarında bu, cəfəngiyyat kimi başa düşülür.
AzərTAc ADA rektoru Hafiz Paşayevdən sitat gətirərək yazır ki, İlham Əliyevin sərəncamı ilə 2015-ci il kənd təsərrüfatı ili elan edilib ki, bu da dövlətin bu sahəyə göstərdiyi qayğını göstərir.
“Bunun üçün təhsilli kadrlara ehtiyac var və biz Kənd Təsərrüfatı Nazirliyi üçün kadrlar hazırlamağı öz üzərimizə götürürük”, deyə Paşayev bildirib.
Öz növbəsində, nazir Heydər Əsədov dövlətin fermerlərin qayğısına qaldığını və onlara kredit ayırdığını qeyd edərək bildirib ki, yeni təhsilli kadrlara ehtiyac var və onların ADA-da hazırlanması çox vacibdir.
Diplomatiya Akademiyasının Kənd Təsərrüfatı Nazirliyi üçün məhz hansı mütəxəssisləri hazırlayacağı bildirilmir.
Qeyd edək ki, 2006-cı ildə yaradılmış Diplomatiya Akademiyası bütün bu illər ərzində diplomatlar hazırlayıb. 2014-cü ildə Akademiyanın statusu dəyişib və o, “ADA universiteti” adlandırılıb. Burada əvvəlki kimi əsas fəaliyyət istiqaməti xarici siyasət sahəsində mütəxəssislərin hazırlanması olaraq qalıb.
Vikipediyada yer alan məlumata görə, ADA çərçivəsində dörd institut fəaliyyət göstərir:
İctimai və beynəlxalq əlaqələr üzrə, informasiya texnologiyaları institutu, biznes institutu, humanitar və dəqiq elmlər institutu.
Bu institutlardan hansının veterinar və zootexnik hazırlayacağını anlamaq çətindir. Amma nazir Heydər Əsədova inansaq, bu, “beynəlxalq standartlara cavab verən” mütəxəssislər olacaq.
Kənd Təsərrüfatı Nazirliyindən və ADA-dan şərh almaq cəhdləri nəticə verməyib. -02В-
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz