Direktor kənarlaşdırılıb, ona qarşı cinayət işi qaldırılıb (YENİLƏNİB)

Hövsan kənd sakinləri bazar ertəsi etiraz aksiyasında polislə qarşıdurmada həyatını itirən Elnur Əliyevin dəfninə hazırlaşırlar. Bu haqda Turan-a Müsavat Partiyası Suraxanı rayon təşkilatının sədri Rövşən Dəmirli bildirib.

O qeyd edib ki, kənd camaatı E.Əliyevgilin həyətində toplaşıblar.

R.Dəmirlinin sözlərinə görə, hadisə ilə bağlı kəndə gələn hüquq-mühafizə orqanları və Suraxanı rayon icra hakimiyyətinin təmsilçiləri kənd camaatına aksiyaya səbəb olmuş 118 saylı məkətbin direktoru Qardaşxan Kərimovun işdən kənarlaşdırıldığı, barəsində cinayət işi balşadıldığı haqda məlumat veriblər.

Xatırladaq ki, Hövsan kənd 118 saylı məktəbdə müəllimlərin dərsə davamiyyətlərinin pis olması ilə bağlı sakinlər mərktəb direktoru Qardaşxan Kərimova dəfərlərlə narazılıq ifadə ediblər. Amma direktor bu haqda hər-hansı ölçü götürməyib. Dərsə pis davamiyyət məsələsində xüsusilə fərqlənən tarix müəlliminin başqa müəllimlə əvəz olunmasına isə direktor təhqiramiz cavab verib. Direktorun sakinlərə “siz kişi evə gəlməyəndə məgər onu başqa kişi ilə əvəz edirsiniz?” kimi əxlaqdankənar cavabı sakinlərin hiddətinə səbəb olub.

Bazar ertəsi kənddə etiraz aksiyası başlayıb. Q.Kərimov əhali toplaşdığına görə məkltəbdən qaçıb, sonra polis müşaiyətilə məktəbə qayıdıb. Polislə yaşanan gərginlikdə 21 yaşlı Elnur Əliyev dünyasını dəyişib, daha bir yaşlı şəxs halı pisləşdiyinə görə xəstəxanaya qaldırılıb. -05B-

2015 Yanvar 19 (Bazar ertəsi) 13:35:40

Bazar ertəsi Hövsan kəndində keçirilən etiraz aksiyası zamanı polislə qarşıdurmada kənd sakini, 21 yaşlı Elnur Əliyev  dünyasını dəyişib. Bu haqda Turan-a Müsavat Partiyası Suraxanı rayon təşkilatının sədri Rövşən Dəmirli bildirib.

Onun sözlərinə görə, kənd sakinlərinin etiraz aksiyası keçirmələrinə səbəb kənddəki 118 saylı məktəbin direktoru Qardaşxan Kərimovun sayğısız və etikadan kənar ifadəsi olub. Belə ki, kənd sakinləri dəfələrlə məktəbdə müəllimlərin dərsə davamiyyətindən direktora şikayət etsələr də direktor bu barədə ölçü  götürməyib.    

Kənd sakinlərinin dərslərə davamiyyəti pis olan tarix müəlliminin dəyişdirilməsi  tələbinə isə direktorun  “siz kişi evə gəlməyəndə məgər kişini dəyişirsiz?” kimi təhqiramiz cavabı isə kütləvi aksiyaya səbəb olub. Kənd sakinləri məktəbin önünə toplaşmağa başlayıblar. Q.Kərimov qorxusundan məktəbdən qaçıb, sonra polisin müşayətilə məktəbə gəlib.

Direktoru mühafizə edən polislə sakinlər arasında qarşdıdurma yaranıb, bu qarşıdurma E.Əliyevin ölümü kimi faciə ilə başa çatıb. Daha bir yaşlı şəxs xəstəxanaya qaldırılıb. Ölüm xəbəri yayıldıqdan sonra sakinlər hələ də məktəbə axışır, insident davam edir.

Polis orqanları, Suraxanı Rayon İcra Hakimiyyəti nümayəndəltri hadisə yerinə gəliblər. Onlar sakinlərdən aksiyanı dayandırmağı xahiş edərək bu məsələni özləri həll edəcəkləri vəd etsələr də sakinlər dağılmayıblar.  Onlar məktəb direktoru  Q. Kərimovun barəsində təcili ölçü götürülməsini tələb edirlər.-05B-