Açiq mənbələrdən foto.
Bakı/19.09.20/Turan: Azərbaycan Xalq Cəbhəsi Partiyasının (AXCP) üzvü Zamin Salayev 16 saylı koloniyada sıxışdırılır və fiziki təzyiqlərə məruz qalır. Bu barədə onun oğlu Oqtay Salayev bildirib.
Onun sözlərinə görə, sentyabrın 15-dən Z.Salayev həm Tofiq Yaqublu ilə həmrəylik əlaməti olaraq, həm də öz hüquqlarının pozulmasına etiraz olaraq aclıq aksiyası keçirir.
O.Salayev qeyd edib ki, qanuna görə məhkum cəzasını öz evinə yaxın yerdə çəkməlidir ki, ailə üzvlərinə onu ziyarət etmək rahat olsun. “Biz Salyan rayonunda (Bakıdan 130 km. cənub-qərbdə) yaşayırıq və rayonumuzun ərazisində Xələc qəsəbəsində 5 saylı koloniya var. Ancaq nədənsə atamı Şüvəlandakı 3 saylı istintaq təcridxanasından Bakının digər qəsəbəsində, Ramanada yerləşən 16 saylı koloniyaya köçürüblər”, - O. Salayev deyib.
O qeyd edib ki, Z.Salayev koloniyaya köçürüldükdən sonra onu sıxışdırmağa, incitməyə, səbəbsiz döyməyə başlayıblar. “Belə ki, nəzarətçilər onu xırda bir səbəbdən döyürlər”,-O.Salayev deyib.
Aclıq elan etdikdən sonra müxalifətçiyə təzyiqlər artıb.
O.Salayev qeyd edib ki, atasının aclıq aksiyası barədə Ombudsman Aparatına və Beynəlxalq Qızıl Xaç Komitəsinin Bakı nümayəndəliyinə məlumat verib.
O. Salayev deyib ki, sentyabrın 17-dən atası ilə əlaqəsi, onun haqqında məlumatı yoxdur və ailə üzvləri müxalifətçinin taleyindən narahatdırlar.
“Son dəfə atamla telefonla danışanda, o, aclıq aksiyasından və bununla bağlı təzyiqlərin artmasından söz açarkən əlaqə kəsildi”, - O. Salayev qeyd edib.
O güman edir ki, Z. Salayev Tofiq Yaqublu azadlığa buraxılandan sonra da alcığı davam edir. Çünki aksiyanın digər səbəbi onun öz hüquqlarının pozulmasına etirazdır.
Penitensiar Xidmətdən şərh almaq mümkün olmayıb.
Z.Salayev aprelin 20-də Salyan Rayon Məhkəməsi yerli polis zabitinin şikayəti əsasında onu “böhtan” və “təhqir” ittihamı ilə 2 il, 3 ay müddətinə mühakimə edib.
İddiaya Z.Salayevin İnternetdə yaydığı videogörüntü səbəb olub. Videogörüntüdə o, polislə söhbət edib, polisi 21 yaşlı yerli sakini onunla birgə yaşamağa sövq etməkdə ittiham edib.—21С06-
Cəmiyyət
-
Noyabrın 24-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə duman, çiskin olacağı, gündüz isə qısamüddətli yağış yağacağı ehtimalı var. Mülayim cənub-şərq küləyi axşam şimal-qərb küləyi ilə əvəz olunacaq.
-
Ölkənin lider mobil operatoru davamlılıq və innovasiya mövzusuna həsr olunmuş mühüm sessiyada iştirak etdi 13-14 noyabr tarixlərində Bakıda "Azercell Telekom" MMC-nin dəstəyi ilə keçirilən 15-ci Davamlı İnnovasiya Forumu uğurla yekunlaşdı. İqlim dəyişikliklərinə həsr olunmuş qlobal tədbirlərin önəmli bir hissəsi olan bu forum biznes, maliyyə, dövlət qurumları və qeyri-hökumət təşkilatlarından 1000-ə yaxın sahə liderini bir araya gətirməyə müvəffəq oldu. Forum iqlim problemlərinin həlli, davamlı inkişaf təşəbbüsləri və innovativ həllərin müzakirəsi üçün effektiv platforma rolunu oynadı.
-
"Təhsil sahəsinin ən böyük problemi komplektləşdirilmiş məktəblərin sayının az olmasıdır". Yerli saytların məlumatına görə, bunu noyabrın 20-də Milli Məclisin Aqrar siyasəti, Ailə, qadın və uşaq məsələləri, Elm və təhsil komitələrinin birgə iclasında "...2025-ci il dövlət büdcəsi haqqında" qanun layihəsinin müzakirəsində elm və təhsil naziri Emin Əmrullayev deyib.
-
İnnovasiya və sürət lideri “Bakcell”in təşkilatçılığı ilə “Süni İntellektlə Dayanıqlılıq” mövzusunda panel müzakirəsi keçirilib. Tədbirə spiker qismində “Bakcell”in Marketinq direktoru Elxan Sadıqzadə, “PwC Azərbaycan”ın Məsləhət xidmətləri departamentinin rəhbəri Fərid Qattal və İnnovasiya və Rəqəmsal İnkişaf Agentliyinin İnnovasiyalar üzrə rəhbəri Evgeniya Bikmurzina qatılıblar. Müzakirələr “Bakcell”in Korporativ kommunikasiyalar və ictimaiyyətlə əlaqələr üzrə direktoru Aysel Süleymanovanın moderatorluğu ilə baş tutub.
Rəy yaz