Şənbə günü prezident İlham Əliyev ayrı-ayrı əhali qrupunun sosial müdafiəsi sahəsində bir sıra sərəncamlar imzalayıb.
Əsasən dövlət başçısı yaşa görə əmək pensiyasının baza hissəsinin məbləği 2016-cı il fevralın 1-dən 10 faiz artırılaraq 110 manat təşkil edəcək.
Bundan əlavə, fevralın 1-dən şəhid ailələri üçün prezident təqaüdü 10 faiz artırılıb. Artımdan sonra təqaüdün məbləği 220 manat təşkil edəcək.
Həmçinin 1990-cı il 20 yanvar hadisələri zamanı əlil olan şəxslərin prezident təqaüdünün həcmi 10 faiz artırılıb.
Həmin müavinətlərin yeni həcmi belə olacaq: I qrup əlil- 165 manat, II qrup əlil -143 manat, III əlil - 110 manat.
Məcburi köçkünlərə yemək xərci üçün verilən müavinətin həcmi 10 faiz artıb.
Dekabrın 21-də Azərbaycan Mərkəzi Bankı manatın dollara nisbətdə məzənnəsini 48 faiz endirərək “üzən məzənnə” rejiminə keçdikdən sonra ölkədə bir çox ərzaq məhsulları və istehlak malları 20-30 faiz, dərman və tibbi ləvazimatlar 50 faiz artıb.
Son günlər ölkə regionlarında sosal tələblərlə etiraz aksiyaları keçirilib.—06D--
Cəmiyyət
-
Otuz ildən artıq bir müddətdə Turan İnformasiya Agentliyi Azərbaycanda müstəqil jurnalistikanın dayağı olub, siyasi və iqtisadi qeyri-sabitlik şəraitində obyektiv və etibarlı xəbərlər təqdim edib. 1990-cı ildə - Sovet İttifaqının son günlərində yaradılan agentliyimiz, keçid dövrünün çətinliklərindən, müharibə və islahatlar dövrlərindən keçərək ictimai maraqları qorumağa sadiq qalıb.
-
Fevralın 14-də Bakıda və Abşeronda hava tutqun olacaq, yağış yağacaq. Şimal-qərb küləyi əsəcək. Havanın temperaturu gecə müsbət 2 + 4, gündüz müsbət 5 + 7 dərəcə olacaq. Rütubət 75-85 faiz olacaq.
-
Naxçıvan Baş Gömrük İdarəsinin "Culfa" gömrük postunda İrandan gələrək Azərbaycan ərazisindən tranzit keçməklə Türkiyəyə "PVC" yükü aparan nəqliyyat vasitəsi əsaslı yoxlamaya cəlb edilib. Keçirilən yoxlama zamanı nəqliyyat vasitəsinin yanacaq qatqısı çənindən və qızdırıcı sistemin çənindən maye halında 101 kq 400 qram psixotrop maddə - metamfetamin aşkar edilib
-
Bu il sertifikatlaşdırmaya 22 min xarici dil müəllimi və ötən il uğur qazana bilməyən 4 min müəllim cəlb ediləcək. Bu barədə fevralın 12-də Məktəbəqədər və Ümumi Təhsil üzrə Dövlət Agentliyinin (MÜDTA) direktoru Eşqi Bağırov jurnalistlərə açıqlamasında deyib.
Rəy yaz