Dövlət orqanları koronavirusla xəstəxanaya yerləşdirilənlər haqqında məlumatları təkzib edib
Bakı/24.02.20/Turan: Səhiyyə Nazirliyi və İcbari Tibbi Sığorta üzrə Dövlət Agentliyi Azərbaycanda koronavirus halları və xəstələrin Mərkəzi Klinik Xəstəxanaya (MKX) yerləşdirilməsi ilə bağlı məlumatları təkzib edib.
Ölkəyə daxil olan şəxslərdə virus təhlükəsi olduqda onlar xüsusi ayrılmış dövlət tibb müəssisələrinə yerləşdirilir, hazırda isə koronavirus şübhəsi ilə xəstəxanaya yerləşdirilən yoxdur.
Azərbaycanda xəstəliyə yoluxma halları haqqında şaiyələr qonşu İranda bu xəstəliyə yoluxanların aşkar edilməsindən sonra yayılmağa başlayıb. Azərbaycan İranla sərhəddə gömrük-buraxılış məntəqələrində sanitar nəzarəti gücləndirib, amma hələlik sərhəd tamamilə bağlanmayıb. -16D-
Cəmiyyət
-
Dekabrın 10-da Beynəlxalq İnsan Hüquqları Günü qeyd olunacaq. Azərbaycanda belə bir gün ərəfəsində hüquq müdafiəçisi Rüfət Səfərov həbs olunub. Dekabrın 4-də Binəqədi rayon Məhkəməsində onun barəsində 4 aylıq həbs-qətimkan tədbiri seçilib. Rəsmi ittiham dələduzluq, xuliqanlıq və az ağır xəsarət yetirmə olsa da, R.Səfərov bu iddiaları qəbul etmir və həbsini öz hüquq müdafiə fəaliyyəti ilə əlaqələndirir.
-
Cümə günü paytaxtda və Abşeronda yağış yağacağı gözlənilir, axşama doğru intensiv olacaq. Şimal-qərb küləyi əsəcək. Havanın temperaturu gecə müsbət 5 +7, gündüz müsbət 8 + 11 dərəcə olacaq. Rütubət 80-85 faiz olacaq.
-
Gələn il dəfn üçün birdəfəlik sosial müavinətin 960 manat olması proqnozlaşdırılır. Bu, 2025-ci il üçün büdcə zərfində əksini tapıb. Lakin sözügedən müavinət hamıya şamil edilmir. Mövcud olan qaydalara görə, dəfn üçün müavinət sığortaolunan və ya əmək pensiyaçısı vəfat etdikdə məcburi dövlət sosial sığorta haqları hesabına verilir.
-
Cümə axşamı Bakıda və Abşeron yarımadasında hava şəraiti dəyişkən buludlu, əsasən yağmursuz olacaq. Axşam arabir yağış yağacağı gözlənilir. Şimal-qərb küləyi əsəcək. Havanın temperaturu gecə 5-8 dərəcə isti, gündüz 8-11 dərəcə isti olacaq. Nisbi rütubət 70-80 % olacaq.
Rəy yaz