![Hüquq müdafiəçiləri yenidən hakimiyyəti seçkilərdə müşahidəçinin döyülməsini araşdırmağa çağırıblar](https://turan.az/resized/media/2020/main/022400024933-750-500-resize.webp)
Hüquq müdafiəçiləri yenidən hakimiyyəti seçkilərdə müşahidəçinin döyülməsini araşdırmağa çağırıblar
Bakı/24.02.20/Turan: Gender problemləri ilə məşğul olan bir sıra QHT rəhbərləri parlament seçkiləri zamanı seçki məntəqəsində müşahidəçi Jalə Bayramovaya qarşı zorakılıq aktı ilə bağlı prezident İlham Əliyevə və birinci vitse-prezident Mehriban Əliyevaya müraciət ediblər.
BMT-nin "Qadınlara qarşı bütün ayrı-seçkilik formalarının aradan qaldırılması haqqında" Konvensiyası çərçivəsində Azərbaycanın öhdəliklərini xatırladan müəlliflər cəmiyyətdə qadınlara qarşı ayrı-seçkilik faktları olduğunu qeyd edirlər.
Xüsusən, fevralın 9-da 76 saylı Lənkəran-Astara Seçki Dairəsinin 16 saylı seçki məntəqəsində seçki komissiyasının məşvərətçi səs hüququna malik üzvü, BDU-nun hüquq fakultəsinin 4-cü kurs tələbəsi Jalə Bayramovanın vəhşicəsinə döyülməsi faktı qeyd edilir.
Bayramovanın Azadə Kərimova adlı qadın tərəfindən amansız döyülməsinin videokadrları sosial şəbəkələrdə geniş şəkildə yayılıb və çoxsaylı müraciətlərə və şikayətlərə baxmayaraq, heç bir tədbir görülməyib. Bundan başqa, MSK sədri Məzahir Pənahov hadisədə Bayramovanın özünü ittiham edərək, onun səsvermə zamanı pozuntuları videoya çəkmək hüququna malik olmadığını bildirib.
Müraciət müəllifləri prezidentdən və birinci vitse-prezidentdən zorakılıq aktının obyektiv şəkildə araşdırılmasını təmin etməyi və bu cinayətin təşkilatçılarını və ifaçılarını cəzalandırmağı xahiş edirlər.
Müraciəti Novella Cəfəroğlu, Mehriban Zeynalova, Zəliha Tahirova, Səidə Qocamanlı, Səadət Bənənyarlı, Mirvari Qəhrəmanlı, Arzu Abdullayeva, Ruhəngiz Hüseynova, Sevil Allahverdiyeva, Şəhla İsmayıl, Nabat Qəniyevə və Firuzə Əsədullayeva imzalayıblar. -06D-
-
- Maliyyə
- 24 Fevral 2020 12:24
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz