İyulun 20-də Heydər Əliyev Mərkəzində baş vermiş yanğınla bağlı KİV-də müxtəlif versiyalar irəli sürülməsinə baxmayaraq, dövlət qurumları susmaqda davam edirlər və hər-hansı şərh verməkdən imtina edirlər.
Yalnız dünən axşam Baş Prokurorluq faktla bağlı CM-in 225.2-ci (yanğın təhlükəsizliyi qaydalarının pozulması) maddə ilə cinayət işi açıldığı barədə məlumat yayıb. Yanğının səbəblərinin araşdırılması üçün idarələrarası istintaq qrupu yaradılıb.
Turanın şənbə günü hüquq-mühafizə orqanlarından şərh almaq cəhdləri də boşa çıxıb. DİN, FHN, Prokurorluq və MTN susur.
Yanğın zamanı Mərkəzdə olan işçilər jurnalistlərlə söhbətdə yanğına şəbəkədə qısa qapanmanın səbəb olduğunu bildiriblər. Lakin ekspertlər diversiya ehtimalını istisna etmirlər.
Xatırladaq ki, yanğın nəticəsində Heydər Əliyev Mərkəzinin damının bir hissəsinin örtüyünə ziyan dəyib. -03B06-
Cəmiyyət
-
Azercell “Həyatı daha dolğun edirik: Qadınlara Dəstək Proqramı” sosial layihə müsabiqəsi çərçivəsində layihənin qaliblərindən biri olan “Balans” İctimai Birliyi ilə bərabər Şəkidə qadın sahibkarlığını təşviq edən proqram həyata keçirib.
-
Yeni imzalanan "Bakı şəhərində və ətraf ərazilərdə nəqliyyat infrastrukturunun təkmilləşdirilməsinə dair 2025-2030-cu illər üçün Dövlət Proqramı" indidən müzakirələrə səbəb olub. Sənəddə dövlət orqanları, təhsil və tibb müəssisələrinin iş rejiminin dəyişkən qrafikə əsasən təşkili nəzərdə tutulub.
-
Leysan yağışları nəticəsində Lənkəran şəhərinin bəzi rayonlarını, o cümlədən Girdəni, Kosalar və Şiləvar kəndlərini su basıb, bu barədə Azərbaycan FHN məlumat yayıb.
-
Azərbaycanın Milli Hidrometeorologiya Xidməti fevralın 7-də Bakıda və Abşeron yarımadasında dəyişkən yağıntılar və güclü şimal-qərb küləyinin üstünlük təşkil edəcəyini proqnozlaşdırır.
Rəy yaz