İyulun 21-dən islam təqvimində 9-cu ay olan Ramazan ayı başlayıb. Bu ay müsəlmanlar üçün ən əziz və əhəmiyyətli aydır.
Ramazan ayı orucluq və ibadət ayıdır, Qurani-Kərimin nazil edildiyi aydır, şeytanın zəncirə vurulduğu, günahların bağışlandığı aydır. Allah rizasını qazanmaq və imanı gücləndirmək, nəfsə qarşı mübarizə, əldə olan nemətlərin qiymətini bilmək, ehtiyac sahiblərinə münasibəti yaxşılaşdırmaq üçün oruc tutulur.
Ramazan ayı boyunca günəşin doğmasından batmasına qədər yeməkdən, içməkdən, cinsi əlaqədən uzaq durmaqla, oruca riayət olunur.
Orucluğun son günü avqustun 19-na təsadüf edir. Avqustun 20-də isə Ramazanın bitməsi ilə əlaqədar Fitr bayramı başlayır. Həmin gün bayram süfrələri açılır. Bayram zamanı təkcə doğmalar və yaxınlar deyil, qonşular, tanışlar da (dini inancından asılı olmayaraq) süfrəyə dəvət edilir. Bayramın mütləq şərtlərindən biri fitrə verilməsidir. Bayram günlərində qohum-əqrəbaların qəbirləri də ziyarət edilir. -0-
Cəmiyyət
-
Yanvarın 5-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Gündüz bəzi yerlərdə qısamüddətli yağış yağacağı, gecə və səhər zəif duman olacağı ehtimalı var. Cənub-qərb küləyi gündüz arabir güclənən şimal-qərb küləyi ilə əvəz olunacaq. Havanın temperaturu gecə müsbət 3+6, gündüz müsbət 7+9 dərəcə olacaq, Milli Hidrometeorologiya Xidməti bildirib.
-
Turan Informasiya Agentliyi media hüququ üzrə tanınmış ekspert Xalid Ağalıyevə anasının vaxtsız vəfatı ilə əlaqədar ən dərin hüznlə başsağlığını bildirir. Allah ona əbədi rahatlıq versin, ruhu şad olsun.
-
Azərbaycanda 2 yanvar tarixindən qüvvəyə minən kommunal xidmətlərin qiymət artımı müxalifət partiyaları və vətəndaş cəmiyyəti tərəfindən kəskin tənqidə məruz qalmış, dövlət monopoliyalarının idarə olunmasında sistematik problemləri üzə çıxarmışdır. Tarif Şurasının elektrik enerjisi, təbii qaz, su, istilik və hətta dərman vasitələrinin qiymətlərinin artırılması qərarı ictimai narazılıq doğurmuş, müxalifət liderləri hökuməti ölkənin sosial-iqtisadi problemlərini daha da dərinləşdirməkdə günahlandırmışdır.
-
Prezident İlham Əliyev 2025-ci ili "Konstitusiya və Suverenlik İli" elan etdi. Dövlət başçısının imzaladığı sərəncamda bu, 2025-ci ildə ölkə Konstitusiyasının qəbul edilməsinin 30-cu və Vətən (İkinci Qarabağ) müharibəsində qələbənin beşinci ildönümü ilə əsaslandırılır. Bəzi ekspertlər düşünür ki, bu il Konstitusiyaya növbəti dəyişiklikləri də gözləmək olar.
Rəy yaz