Açiq mənbələrdən foto.
Bakı/24.10.22/Turan: Oktyabr ayının 22-də Dövlət Sərhəd Xidmətinin (DSX) Biləsuvar rayonunun Səmədabad kəndi yaxınlığında yerləşən sərhəd zastavasının xidməti ərazisində Azərbaycan dövlət sərhəddinin pozulması müşahidə edilib. Bu barədə DSX-nin oktyabrın 24-də yaydığı məlumatda deyilir.
Sərhəd pozucularının Azərbaycan vətəndaşları, 1994-cü il təvəllüdlü Məryəm Vəliyeva və 1981-ci il təvəllüdlü Aytən Qasımova olduqları müəyyən edilib.
Araşdırma zamanı bu şəxslərin bu il Türkiyədən deportasiya edilərək bu ölkəyə girişlərinə qadağa qoyulduğu aşkar olunub.
Bu şəxslərin dövlət sərhədini pozaraq qanunsuz yolla İrana, oradan isə Türkiyəyə keçmək niyyətində olduqları müəyyən edilib.
Fakt üzrə əməliyyat-istintaq tədbirləri davam etdirilir. 05D
Cəmiyyət
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
-
İyulun 27-də Bakıda hava dəyişkən olacaq. Abşeronda bəzi yerlərdə yağış yağacaq. Şimal-qərb küləyi əsəcək.
-
Xalq artisti Ağadaş Ağayev Azərbaycan Cinayət Məcəlləsinin 221.3-cü maddəsi ilə silah tətbiq etməklə xuliqanlıqda ittiham olunub.
Rəy yaz