Dövlət sərhədini pozmağa cəhd edən 6 nəfər saxlanılıb
Dövlət sərhədinin təhlükəsizliyinin təmin edilməsi, qeyri-leqal miqrasiyaya qarşı mübarizə sahəsində aparılan sərhəd və əməliyyat-axtarış tədbirləri nəticəsində Azərbaycanın dövlət sərhədini pozmağa çalışan 6 nəfər saxlanılıb.
Belə ki, oktyabrın 2-də "Xudat" sərhəd dəstəsinin xidmət zonasında 1 nəfər İran vətəndaşı və iki nəfər Pakistan vətəndaşı saxlanılıb. Oktyabrın 4-də "Şəmkir" sərhəd dəstəsinin məsuliyyət zonasında sərhədçilər əlcəzairin iki vətəndaşını saxlayıblar.
Oktyabrın 7-də isə sərhədçilər "Naxçıvan" əlahiddə sərhəd diviziyasının xidmət zonasında Suriya vətəndaşının sərhədi pozmaq cəhdinin qarşısını alıblar.
İstintaq tədbirləri nəticəsində müəyyən edilib ki, saxlanılanlar qeyri-leqal şəkildə Avropa ölkələrinə mühacirət etmək niyyətində olublar.
Qeyri-leqal miqrasiya kanalının aşkar edilməsi məqsədilə faktlar üzrə əməliyyat-axtarış tədbirləri davam edir.
Cəmiyyət
-
Otuz ildən artıq bir müddətdə Turan İnformasiya Agentliyi Azərbaycanda müstəqil jurnalistikanın dayağı olub, siyasi və iqtisadi qeyri-sabitlik şəraitində obyektiv və etibarlı xəbərlər təqdim edib. 1990-cı ildə - Sovet İttifaqının son günlərində yaradılan agentliyimiz, keçid dövrünün çətinliklərindən, müharibə və islahatlar dövrlərindən keçərək ictimai maraqları qorumağa sadiq qalıb.
-
Fevralın 14-də Bakıda və Abşeronda hava tutqun olacaq, yağış yağacaq. Şimal-qərb küləyi əsəcək. Havanın temperaturu gecə müsbət 2 + 4, gündüz müsbət 5 + 7 dərəcə olacaq. Rütubət 75-85 faiz olacaq.
-
Naxçıvan Baş Gömrük İdarəsinin "Culfa" gömrük postunda İrandan gələrək Azərbaycan ərazisindən tranzit keçməklə Türkiyəyə "PVC" yükü aparan nəqliyyat vasitəsi əsaslı yoxlamaya cəlb edilib. Keçirilən yoxlama zamanı nəqliyyat vasitəsinin yanacaq qatqısı çənindən və qızdırıcı sistemin çənindən maye halında 101 kq 400 qram psixotrop maddə - metamfetamin aşkar edilib
-
Bu il sertifikatlaşdırmaya 22 min xarici dil müəllimi və ötən il uğur qazana bilməyən 4 min müəllim cəlb ediləcək. Bu barədə fevralın 12-də Məktəbəqədər və Ümumi Təhsil üzrə Dövlət Agentliyinin (MÜDTA) direktoru Eşqi Bağırov jurnalistlərə açıqlamasında deyib.
Rəy yaz