![DQMŞ Koordinasiya Mərkəzinin toplantısı](https://turan.az/resized/750/500/resize/media/2016/main/121500177945.jpg)
DQMŞ Koordinasiya Mərkəzinin toplantısı
Ötən gün Demokratik Qüvvələrin Milli Şurasının (DQMŞ) Koordinasiya Mərkəzinin növbəti iclası keçirilib. Toplantıda ictimai-siyasi vəziyyət, sosial-iqtisadi böhranın fəsadları, əhalinin sosial vəziyyətinin kəskin şəkildə pisləşməsi, mətbuat və söz azadlığının məhdudlaşdırılması, “Nardaran işi” məhkəməsində yaranmış vəziyyət müzakirə olunub, DQMŞ-nin məlumatında bildirilir.
İclas iştirakçıları qaz, işıq və suyun qiymətinin kəskin şəkildə artırılması barədə hökumətin qərarını pisləyiblər. Bu, əhalini ağır vəziyyətə salıb, onsuz da ağır olan sosial vəziyyəti daha da ağırlaşdırıb.
Sosial-iqtisadi və maliyyə böhranına münasibətdə hökumətin fəaliyyətsizliyi və bacarıqsızlığı kəskin şəkildə pislənilib, belə seyrçi münasibətin ölkəni ağır sosial sarsıntılara sürüklədiyi qeyd edilib.
“Yaxın keçmişdə analoqsuz inkişafdan danışan hökumət rəsmiləri hazırda maliyyə böhranın durdurulmasını 2025-ci ilə vəd edirlər. Bu vədin özünün də 27 milyard manat həcmində xarici kredit tapılacağı şərti ilə mümkün olacağı bildirilir. Bu açıqlamalar ölkənin hansı acınacaqlı duruma düşməsinin açıq bir ifadəsidir. Son on il ərzində ölkəyə daxil olmuş 150 milyard dollar həcmində vəsaiti dağıdan hakimiyyət 9 ilə maliyyə böhranından çıxacağını vəd edir”, - məlumatda deyilir.
İclas iştirakçıları “Azadlıq” və “Amerikanın səsi” radiolarının saytlarının bağlanmasını, “Azadlıq” qəzetinin çapının dayanmasını, Heydər Əliyevin abidəsini yazdığına görə Bayram Məmmədovun 10 il azadlıqdan məhrum edilməsini pisləyiblər.
Həmçinin tədbirdə “Nardaran işi” üzrə məhkəmə prosesinin qeyri-obyektiv aparılmasına və bir sıra yüksək vəzifəli şəxslərin şahid qismində məhkəməyə çağırılmasıdan imtina olunmasına görə Bakı Ağır Cinayətlər Məhkəməsinin hakimləri tənqid edilib.—06D—
-
- İqtisadiyyat
- 15 Dekabr 2016 12:44
-
- Cəmiyyət
- 15 Dekabr 2016 13:10
Cəmiyyət
-
Ədalət Naminə Həmrəylik Komitəsinin təşəbbüsü ilə təşkil edilən, Azərbaycanda insan hüquqları vəziyyətinə həsr olunmuş vətəndaş cəmiyyəti fəallarının onlayn görüşündə jurnalistlərin, siyasi fəalların və müharibəyə qarşı çıxanların həbsi ilə bağlı ciddi narahatlıqlar vurğulandı. Avqustun 30-da keçirilən bu toplantı Beynəlxalq İtkin Düşənlərin Anım Günü ilə üst-üstə düşdü və Qarabağ müharibələrindən sonra həm Azərbaycan, həm də Ermənistan cəmiyyətlərinin qarşılaşdığı davamlı çətinlikləri diqqətə çatdırdı.
-
Sentyabrın 1-də Bakıda və Abşeron yarımadasında hava yağıntısız olacaq. Şimal-qərb küləyi gündüz cənub-şərq küləyi ilə əvəz olunacaq. Havanın temperaturu gecə müsbət 21+26, gündüz müsbət 33+38 dərəcə olacaq, Milli Hidrometeorologiya Xidməti bildirib.
-
Ölkənin aparıcı mobil operatoru "Milli və müasir" rəqəmsal muzeyini təqdim edir Azercell milli dəyərlərimizi müasir texnologiyalar vasitəsilə yaşatmaq, onları geniş auditoriyaya tanıtmaq və gələcək nəsillərə çatdırmaq məqsədilə "Milli və müasir" rəqəmsal muzeyi layihəsini təqdim edir. Bu innovativ təşəbbüs sənət və texnologiyanı birləşdirərək şirkətin hər iki sahəyə olan dəstəyini bir daha vurğulayır.
-
Bakının Suraxanı rayonu ərazisində sənaye zonasında bir obyektdə yanğın başlayıb. Yanğının söndürülməsinə FHN-in Dövlət Yanğından Mühafizə Xidmətinin qüvvələri cəlb olunub.
Rəy yaz