Bakı/21.04.17/Turan: Bu yay mövsümündə ölkə ərazisində 21 çimərlik fəaliyyət göstərəcək. Bu barədə Mədəniyyət və Turizm Nazirliyinin iclasında 2017-2020-ci illərdə çimərlik turizminin inkişafına dair tədbirlər planının müzakirəsi zamanı bildirilib.
2017-ci ildə Bakıda 6 özəl və ictimai çimərliyin, Xaçmazda 2 özəl və ictimai, Lənkəranda bir ictimai, Astarada bir özəl və ictimai çimərliyin yaradılması planlaşdırılır. Bunu nazir Əbülfəz Qarayev bildirib.
O, vahid çimərlik mövsümünün, standartların, xidmət və təhlükəsizliyin səviyyəsinin müəyyən edilməsinin vacibliyini vurğulayıb. Nazir həmçinin qanunsuz fəaliyyət göstərən çimərliklərin barəsində görüləcək tədbirlərə də toxunub.
Məlumatda qeyd olunur ki, çimərliklərdə infrastrukturun yaradılması, çimərlik operatorlarının fəaliyyətinin tənzimlənməsi, təhlükəsizlik və ətraf mühitin qorunması tədbirləri nəzərdə tutulur.
Qeyd edək ki, Abşeronda çimərliklərin çoxu özəl və bahadır. Sahilboyu zolağın oliqarxlar, yüksək vəzifəli məmurlar tərəfindən zəbt edilməsi səbəbindən ictimai çimərliklərə giriş məhdudlaşıb.
Yerli sakinlərin narazılığına baxmayaraq, hakimiyyət əməli tədbirlər görmür və etirazlara məhəl qoymur.
Açıq zonalara gəlincə, onların ölçüsü çox kiçikdir, pulsuz adlanan çimərliklər isə ancaq pulsuz çimməyi nəzərdə tutur. Digər bütün xidmətlər, inventar pulludur. Üstəlik, ictimai çimərliklərdə dəhşətli antisanitariya hökm sürür və çimmək sağlamlıq üçün təhlükəlidir-02D-
Cəmiyyət
-
Noyabrın 1-də paytaxtda hava tutqun olacaq, gecə və səhər bəzi yerlərdə çiskinli yağış yağacaq. Mülayim cənub-qərb küləyi əsəcək.
-
Qısa zamanda abunəçilərə altı innovativ məhsul təqdim edən “Bakcell”, reklam və marketinq dünyasının mühüm beynəlxalq müsabiqələrindən biri olan “Felis” tərəfindən “Ən Uğurlu Rebrendinq” mükafatına layiq görülüb.
-
Beynəlxalq Demokratik Yenilənmə Koalisiyası (ICDR) və Forum 2000 Fondu Azərbaycanda vətəndaş cəmiyyətinə qarşı artan təzyiqlərdən dərin narahatlıqlarını ifadə edərək birgə bəyanat yayıb. Qruplar, hökumətin vəkillər, jurnalistlər, aktivistlər və insan hüquqları müdafiəçilərinə qarşı geniş miqyaslı təzyiqləri gücləndirdiyini, ölkədə müxalif səslərin sistematik olaraq susdurulduğunu vurğulayıblar.
-
60 milyon auditoriyası ilə dünyanın 100 nüfuzlu şəbəkəsindən biri olan, təhsil və bacarıqların qiymətləndirilməsi sahəsində aparıcı beynəlxal təşkilat Times Higher Education (THE) xəbərlər buraxılışında “İqlim sammiti başlayan kimi azərbaycanlı alimin azad edilməsinə çağırışlar” başlığı ilə geniş yazı dərc edib. Hər il dünya Universitetlərinin reytinqini hazırlayan THE yazır ki, mədən yanacağı istehsalçısı dünya liderlərinin toplantısına ev sahibliyi edərkən müxaliflərə qarşı sərt tədbirlər görür. Hüquq müdafiə qrupları COP29 iqlim konfransına ev sahibliyi edən Azərbaycan hökumətini mədən yanacağı siyasətini tənqid etdikdən sonra saxlanılan alimin azad edilməsinə çağırır.
Rəy yaz