Bakı/21.04.17/Turan: Azərbaycanda vətəndaş fəalları və dini fəalların, jurnalist və blogerlərin işləri üzrə məhkəmə prosesləri təqsirləndirilən şəxslərin hüquqlarının və prosessual normaların kobud şəkildə pozulması ilə keçirilir. Bu barədə Siyasi Məhbusların Monitorinqi Mərkəzinin 2017-ci ilin birinci rübündə keçirilmiş məhkəmə proseslərinin monitorinqlərinin yekunlarına aid məlumatında deyilir.
Hüquq müdafiə təşkilatı üç prosesin – Nardaran hadisələri üzrə, jurnalist Fikrət Fərəməzoğlunun və bloger Mehman Hüseynovun işi üzrə proseslərin monitorinqinə əsasən yuxarıda qeyd edilən nəticələrə gəlib.
Bundan başqa, Siyasi Məhbusların Monitorinqi Mərkəzi ilahiyyatçı Sərdar Babayevin, AXCP fəalı Fuad Əhmədlinin, “Azadlıq” qəzetinin maliyyə direktoru Faiq Əmirovun, həbs olunmuş Cəbrayıl rayonu köçkünlərinin işlərini müşahidə edib.
“Bu şəxslər hələ məhkəmə qarşısına çıxarılmayıb. Hələlik onların işləri üzrə məhkəmə təhqiqatları qapalı rejimdə məhkəmə nəzarəti qaydasında keçirilib. Amma vəkillərdən daxil olan məlumatlar təqsirləndirilən şəxslərin elementar hüquqlarının pozulduğunu göstərir”, deyə Mərkəzin rəhbəri Elşən Həsənov Turan-ın müxbirinə bildirib.
Onun sözlərinə görə, məhkəmələr, bir qayda olaraq, siyasi məhbusların vəkillərinin bütün vəsatətlərini rədd edir, bununla da Avropa İnsan Hüquqları Konvensiyasının 6-cı (ədalətli məhkəmə təhqiqatı hüququ) maddəsini pozur.
Bundan başqa, hakimlər işgəncələr və keyfiyyətli tibbi yardımın təmin edilməməsi ilə bağlı şikayətlərə məhəl qoymur, bu da Konvensiyanın 3-cü (işgəncələrin qadağan edilməsi) maddəsinin pozulması deməkdir.
Bununla yanaşı, hakimlər təqsirəndirilən şəxslərin Avropa Konvensiyasının 9-cu (fikir, vicdan və din azadlığı) və 10-cu (fikri ifadə etmək azadlığı) maddələrində nəzərdə tutulmuş hüquqlarının açıq-aşkar pozulması faktlarını diqqətdən kənarda qoyur.
“Son nəticədə Konvensiyanın 7-ci (müstəsna olaraq qanun əsasında cəzalandırma) hüququ pozulur.
Ümumiyyətlə, bütün məhkəmə prosesləri bir şablon ssenari üzrə keçirilir ki, bu da məhkəmə təhqiqatlarının “idarə olunan” və sifarişli xarakterini göstərir.
Bu işlər üzrə bütün təqsirləndirilən şəxslər yerli və beynəlxalq təşkilatlar tərəfindən siyasi məhbus kimi tanınıblar”, deyə Həsənov bildirib.
Siyasi Məhbusların Monitorinqi Mərkəzi 2014-cü ilin oktyabrında bir qrup keçmiş “vicdan məhbusu” tərəfindən yaradılıb. -06B-
Cəmiyyət
-
Noyabrın 1-də paytaxtda hava tutqun olacaq, gecə və səhər bəzi yerlərdə çiskinli yağış yağacaq. Mülayim cənub-qərb küləyi əsəcək.
-
Qısa zamanda abunəçilərə altı innovativ məhsul təqdim edən “Bakcell”, reklam və marketinq dünyasının mühüm beynəlxalq müsabiqələrindən biri olan “Felis” tərəfindən “Ən Uğurlu Rebrendinq” mükafatına layiq görülüb.
-
Beynəlxalq Demokratik Yenilənmə Koalisiyası (ICDR) və Forum 2000 Fondu Azərbaycanda vətəndaş cəmiyyətinə qarşı artan təzyiqlərdən dərin narahatlıqlarını ifadə edərək birgə bəyanat yayıb. Qruplar, hökumətin vəkillər, jurnalistlər, aktivistlər və insan hüquqları müdafiəçilərinə qarşı geniş miqyaslı təzyiqləri gücləndirdiyini, ölkədə müxalif səslərin sistematik olaraq susdurulduğunu vurğulayıblar.
-
60 milyon auditoriyası ilə dünyanın 100 nüfuzlu şəbəkəsindən biri olan, təhsil və bacarıqların qiymətləndirilməsi sahəsində aparıcı beynəlxal təşkilat Times Higher Education (THE) xəbərlər buraxılışında “İqlim sammiti başlayan kimi azərbaycanlı alimin azad edilməsinə çağırışlar” başlığı ilə geniş yazı dərc edib. Hər il dünya Universitetlərinin reytinqini hazırlayan THE yazır ki, mədən yanacağı istehsalçısı dünya liderlərinin toplantısına ev sahibliyi edərkən müxaliflərə qarşı sərt tədbirlər görür. Hüquq müdafiə qrupları COP29 iqlim konfransına ev sahibliyi edən Azərbaycan hökumətini mədən yanacağı siyasətini tənqid etdikdən sonra saxlanılan alimin azad edilməsinə çağırır.
Rəy yaz