Ədliyyə Nazirliyinin ekspertizası E.Quliyevin təhqir və böhtana yol verdiyini təsdiqləyir
Ziyalılar Birliyinin sədri Eldəniz Quliyevlə bağlı məhkəmə prosesi çərəşənbə günü Nəsimi rayon məhkəməsində davam etdirilib. Bu haqda Turan-a E.Quliyev özü bildirib.
Bugünki məhkəmə prosesində Ədliyyə Nazirliyi nəzdindəki linqvistik ekspertizanın rəyi açıqlanıb. Həmin rəyə görə, ekspertiza leksik baxımdan E.Quliyevin ifadələrində təhqir və böhtan elementləri olduğunu təsdiqləyib. Amma bu təhqir və böhtanın konkret kimə aid olması haqda heç nə deyilməyib.
“Məni məhkəməyə verən şəxsə münasibətdə hər-hansı təhqir və böhtana yol verməmişəm”, deyə E.Quliyev bildirib. E.Quliyev vəkillərinin ekspertizanın rəyilə tanış olması üçün məhkəmə prosesinin oktyabrın 20-nə kimi təxirə salındığını bildirib.
E.Quliyev ölkədən çıxmasına qoyulan qadağanın aradan qaldırılması üçün vəkillərinin məhkəmədə vəsatət qaldırdığını, amma hakimin vəsatəti təmin etmədiyini söyləyib.
E.Quliyev bu ilin avqustunda facebook səhifəsində yol polisinin hərəkətləri barədə status yazıb. Bundan sonra nazir Ramil Usubov E.Quliyevi polisi və naziri təhqirə və böhtana məruz qoymaq iddiası ilə məhkəməyə verib. E.Quliyevə qarşı Cinayət Məcəlləsinin 147-ci və 148-ci maddələrilə cinayət işi qaldırılıb, məhkəmə prosesi davam edir. -05B-
Cəmiyyət
-
Oktyabrın 26-da Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi, lakin gündüz bəzi yerlərdə havanın çiskinli olacağı, axşam isə arabir yağış yağacağı gözlənilir.
-
Oktyabrın 22-də evlərinə yağış sularının ziyan vurduğunu bildirərək Binə qəsəbəsinə gedən yolu avtomobillərlə kəsən vətəndaşlar inzibati qaydada həbs olunub.
-
Oktyabrın 27-dən etibarən İçərişəhər və Əziz Əliyev küçəsi ilə bağlı layihənin həyata keçirilməsinə başlanır, bu barədə Rəqəmsal İnkişaf və Nəqliyyat Nazirliyinin məlumatında deyilir.
-
Oktyabrın 24-də “Qarabağ” klubu Avropa Liqasının əsas mərhələsinin ev oyununda Hollandiyanın məşhur “Ayaks” klubuna 0:3 hesabı ilə uduzub.
Rəy yaz