Müxalifətçinin oğlunun işi üzrə prosesdə
Oktyabrın 15-də Xətai rayon məhkəməsində hüquq müdafiəçisi Oqtay Gülalıyevin yetkinlik yaşına çatmamış oğlu Əli Gülalıyevin işi üzrə məhkəmə iclası davam edib.
O, xuliqanlıqda, xüsusən, 2013-cü il sentyabrın 20-də NZS qəsəbəsində təhsil aldığı 165 nömrəli məktəbdə baş verən davada iştirakda ittiham olunur. Bu iş üzrə zərərçəkmiş kimi həmin məktəbin şagirdi Bayram Sultanlı keçir.
Qeyd edək ki, Ə.Gülalıyev özü üç gün sonra naməlum şəxslər tərəfindən döyülüb və yaralanıb və bu iş indiyədək araşdırılmayıb.
O.Gülalıyev və demokratik ictimaiyyətin nümayəndələri Gülalıyevə qarşı hücumun atasının Demokratik Qüvvələrin Milli Şurasının (DQMŞ) prezidentliyə namizədi Cəmil Həsənlinin mətbuat katibi olması ilə əlaqədar olduğu qənaətindədirlər.
Turan-ın müxbirinin məlumatına görə, bugünki iclasda növbəti yetkinlik yaşına çatmamış şahid dindirilib.
O da əvvəlki şahid kimi gecəyarısına qədər saxlanıldığı polis şöbəsində Ə.Gülalıyevə qarşı təzyiq altında ifadə verdiyini bəyan edib.
Həm də o, valideynləri olmadan dindirilib.
Şahid bildirib ki, məhkəmələrə də polis əməkdaşı tərəfindən gətirilib.
Bununla əlaqədar olaraq dövlət ittihamçısı fərqli ifadələr verilməsinə görə məsuliyyət nəzərdə tutulduğu barədə xəbərdarlıq edib. O.Gülalıyev bunu şahidə təzyiq kimi qiymətləndirib.
Şahidin babası da nəvəsinə qarşı təzyiq olduğunu bildirib.
Dövlət ittihamçısı bütün digər şahidlərin və zərərçəkmişin özünün məcburi şəkildə məhkəməyə gətirilməsi və üzləşdirmə həyata keçirilməsi barədə vəsatət qaldırıb.
O.Gülalıyev buna etiraz edib. O, şahidlərin və zərərçəkmişin ifadələri bir-birindən fərqli olduğu təqdirdə üzləşdirmə həyata keçirildiyini bildirib. Bu halda isə nə zərərçəkmiş öz ifadələrində şahidlərin, nə də şahidlər zərərçəkmişin adını çəkməyib.
Lakin dövlət ittihamçısı vəsatəti təmin edib.
Eyni zamanda, məhkəmə O.Gülalıyevin yetkinlik yaşına çatmamış şahidi valideynləri olmadan dindirmiş müstəntiqin hərəkətlərinin araşdırılması, habelə əlavə şahidlərin məhkəməyə gətirilməsi barədə vəsatətini təmin edib.
Növbəti iclas oktyabrın 22-nə təyin edilib. -0-
-
- Siyasət
- 15 Oktyabr 2014 19:35
Cəmiyyət
-
Müsəlman Birliyi Hərəkatının üzvü, 7 il həbsdə saxlandıqdan sonra 20 gün əvvəl azadlığa buraxılan Əhsən Nuruzadə yenidən saxlanılıb. Bu barədə Turana Müsəlman Birliyi Hərəkatından verilən məlumatda bildirilir ki, dini inanclı fəal oktyabrın 26-da qızının gözü qarşısında saxlanılaraq aparılıb. Onun hansı səbəbdən saxlanması, hara aparılması haqda yaxınlarına heç bir məlumat verilməyib.
-
Həbsxanada 136 gündür aclıq edən İstanbul Universitetinin doktorantı Fazil Qasımovun səhhəti ağır olaraq qalır.
-
Oktyabrın 27-də Bakıda və Abşeron yarımadasında bəzi yerlərdə arabir yağış yağacağı gözlənilir. Gecə yarımadanın bəzi yerlərində leysan xarakterli olacağı, şimşək çaxacağı ehtimalı var. Səhər tədricən kəsiləcək, gündüz hava dəyişkən buludlu, əsasən yağıntısız keçəcək. Arabir güclənən şimal-qərb küləyi gündüz mülayimləşəcək.
-
Oktyabrın 25-də paytaxtın Nizami rayonundakı “Astoria” mehmanxana kompleksində yanğın baş verib.
Rəy yaz