DİHM: Azərbaycanın yeri Avropanın yanındadır, Rusiyanın yox
Siyasi partiyaların Demokratiya və İnsan Haqları Mərkəzi (DİHM) çərşənbə günü Müsavat Partiyasının ofisində Avropa Parlamentinin Azərbaycanla bağlı qəbul etdiyi qətnaməsilə bağlı dinləmələr keçirib.
“Ümid” Partiyasının sədri, deputat İqbal Ağazadə dinləmələrdə məruzə ilə çıxış edib. Qətnamənin qəbulundan bir aya yaxın vaxt keçdiyi, amma rəsmi Bakının sənəddən irəli gələn tövsiyələri həyata keçirmədiyi vurğulanıb. Qətnamədə Azərbaycanda insan, söz və mətbuat, sərbəst toplaşmaq azadlıqlarının ağır olduğunun əksini tapması reallığa uyğun adlandırılıb. Bu sənədin qəbuluna qədər ölkə müxalifətinin bu haqda fikrini mütəmadi bildirdiyi nəzərə çatdırılıb. Rəsmi Bakının qətnaməyə “Azərbaycana qərəzli münasibət” kimi dəyərləndirməsi pislənilib və bu, iqtidarın məntiqsizliyi adlandırılıb.
Azərbaycanın çıxış yolunun Avropaya inteqrasiyada olduğu deyilib və müxalifət qüvvələrinin ancaq bu interqasiyanı dəstəklədiyi qeyd olunub. Rusiya və Yaxın Şərqə üz tutulması ölkənin müstəqilliyinin itirilməsinə səbəb olacağı xəbərdarlığı edilib. “Azərbaycanın yeri Avropanın yanındadır, Rusiyanın yox”, deyə İ.Ağazadə qeyd edib.
Qanunvericiliyin mürtəceləşdirilməsi kəskin tənqid edilib. Milli Məclisin oktyabrın 17-də keçiriləcək iclasında qanunvericilikdə beynəlxalq donorların fəaliyyətin məhdudlaşdırılacağının anonsu verilib.
Azərbaycan Avropa Şurasına daxil olduqda ökənin demokratikləşdirilməsilə bağlı öhdəliklər götürdüyü və həmin öhdəlikləri yerinə yetirməli olduğu deyilib.
Avropa Parlamentinin ölkəni tənqidə qoyan qətnamə qəbul etməsi iqtidarın yürütdüyü siyasətin qüsurlu olmasının nəticəsi kimi dəyərləndirilib.
Ölkəni bu durumdan çıxara bilmək üçün cəmiyyətin bütün təbəqələrinin yürüdülən mövcud siyasətə etiraz ifadə etməsinin vacibliyi söylənilib.
Məruzə ətrafında çıxış edən natiqlər dinləmələrin nəticəsi olaraq qəbul edilən bəyanatda ölkə vətəndaşlarının mülkiyyət, dindarların elementar dini hüquqlarının tapdanması kimi halların əksini tapması təklif edilib. Beynəlxalq qurumların rəsmi Bakı ilə münasibətlərdə demokratiya və insan azadlıqları məsələsini daim ön planda tutması irəli sürülüb. Rəsmi Bakının mövcud siyasət yürütməsinin səbəbkarı kimi təkcə hakimiyyət özü yox, ona dəstək verən Rusiya və İran da ittiham edilib.
Daha bir mühüm məqam kimi Qərblə Rusiya arasında “soyuq müharibə” başladığı üçün iqtidarın mövcud “balanslı”siyasətdən əl çəkərək Avropaya meyl etməsinin vaxtı çatdığı xatrıladılıb. Ölkədə buna vüsət vermək üçün “Avrointeqrasiya Hərəkatı” başlamaq təklifi səsləndirilib.
Müzakirələrdən sonra Mərkəz bəyanat qəbul edib.
* Siyasi partiyaların DİHM bu ilin avqustunda siyasi həbslərə etiraz olaraq insan haqlarını müdafiə məqsədilə yaradılıb. Hazırda mərkəzin tərkibində 11 partiya birləşir. -05C-
Siyasət
-
Azərbaycan Respublikasının Prezidenti İlham Əliyev Gürcüstanda keçirilmiş parlament seçkilərinin nəticələri və ölkənin aparıcı siyasi qüvvəsi olan “Gürcü Arzusu - Demokratik Gürcüstan” partiyasının qələbəsi münasibətilə Baş nazir İrakli Kobaxidzeni təbrik edib.
-
Oktyabrın 26-da Azərbaycanın ekologiya və təbii sərvətlər naziri, COP 29-un prezidenti Muxtar Babayev ABŞ prezidentinin beynəlxalq iqlim siyasəti üzrə baş məsləhətçisi Con Podesta ilə görüşüb. Bu barədə X sosial platformasında COP-un səhifəsində deyilir.
-
İran İsrailə vasitəçi vasitəsilə məlumat verib ki, oktyabrın 26-na keçən gecə İsrail qüvvələri tərəfindən həyata keçirilən hava hücumuna cavab addımları atmadan çəkiləcək. Bu barədə Sky News Arabia platforma X-dəki bloqunda anonim mənbəyə istinadən məlumat yayıb.
-
Səmada 100 təyyarə: İsrail üç saat ərzində İrana zərbələr endirib Əməliyyat zamanı ən azı 20 hədəfə hücum olub, lakin nüvə və neft obyektlərinə zərbə endirilməyib.
Rəy yaz