Ədliyyə Nazirliyinin nümayəndəsi Fuad Əhmədlinin vəziyyətinin stabil olduğunu bildirir
Bakı/07.10.19/Turan: Fuad Əhmədlinin vəziyyəti stabildir və yaxın 2-3 gündə müayinəsi başa çatacaq. Bu barədə Ədliyyə Nazirliyinin Tibb Baş İdarəsinin rəis müavini İftixar Qurbanov AXCP fəalı Fuad Əhmədlinin Penitensiar Xidmətin müalicə müəssisəsinə yerləşdirilməsi ilə bağlı məlumatı Turan agentliyinə şərh edərkən bildirib.
Onun sözlərinə görə, F.Əhmədli hərəkət edərkən bel ağrısından və öskürəkdən şikayətlənir.
"Mütəxəssislər tərəfindən müayinə və baxış zamanı F.Əhmədlinin kürəyində və ağciyərlərində ciddi patologiya aşkarlanmayıb", - İ.Qurbanov deyib. "Hazırda stasionar müalicəyə ehtiyac yoxdur", - o əlavə edib.
Öz növbəsində fəalın atası Zəfər Əhmədov Turan-a bildirib ki, oğlunun şikayətinə Ali Məhkəmədə baxılarkən bir ay Bakı 1 saylı təcridxanada saxlayıblar, bundan sonra vəziyyəti pisləşib.
"Fuadı bir ay Kürdəxanı istintaq təcridxanasında saxlayılblar və koloniyaya qayıtdıqdan sonra vəziyyəti pisləşib, nəfəs ala bilmirdi. Digər problem isə böyrək ağrısıdır" , - ata deyib. Oktyabrın 5-də fəalı xəstəxanaya yerləşdiriblər.
Ata xatırladıb ki, həbs olunmadan əvvəl oğlu iki dəfə ağciyər əməliyyatı keçirib və qapalı məkanda yerdə saxlanıla bilməz.
O bildirib ki, bu gün oğlu telefon edərək deyib ki, rentgen ediblər və analiz üçün qan götürüblər. Z.Əhmədov qeyd edib ki, bu gün oğlu ilə görüşəcək.
*Fuad Əhmədli 2016-cı ilin avqustunda "Əməliyyat- axtarış fəaliyyəti haqqında qanun"un pozulması və "Azerfon" mobil telefon istifadəçilərinin şəxsi məlumatlarının yayılması ittihamı ilə həbs edilib. Bundan əlavə, o, vəzifə səlahiyyətini aşmaqda ittiham olunub.
2017-ci il iyunun 16-da 4 il azadlıqdan məhrum edilib. Sonradan Apellyasiya Məhkəməsi və Ali Məhkəmə hökmü qüvvədə saxlayıblar. Hüquq müdafiəçiləri F.Əhmədlini siyasi məhbus kimi tanıyıblar.
Bu ilin mayında Suraxanı Rayon Məhkəməsi F.Əhmədlinin cəzasının yarıdan çoxunu çəkməsilə əlaqədar şərti olaraq vaxtından əvvəl azadlığa buraxılması barədə müraciətini təmin etməyib. Yuxarı instansiya məhkəmələr bu qərarı qüvvədə saxlayıblar. Fəalın cəzasının bitməsinə 10 ay qalır.-03B06-
Cəmiyyət
-
Talış tarixinin tədqiqatçısı, həbsdə olan İqbal Əbilovun "Fraqmentlər" adlı qısametrajlı filmi daha bir beynəlxalq kinofestivalda ən yaxşı filmlər siyahısına daxil edilib.
-
Lider mobil operator milli mətbuatın inkişafına töhfə verməyə davam edir “Azercell Telekom” MMC jurnalistikanın inkişafına, mətbuat nümayəndələrinin peşəkar bacarıqlarının artırılmasına yönəlmiş təşəbbüslərini davam edir. Lider mobil operator 6 dekabr rabitə və informasiya texnologiyaları işçilərinin peşə bayramında bu sahə üzrə yazan jurnalistlər üçün xüsusi təlim təşkil edəcək. Beynəlxalq təlim mərkəzi tərəfindən “Media texnologiyaları: yeniliklər və trendlər” mövzusunda həyata keçiriləcək təlim jurnalistlərə yeni media tendensiyaları və qabaqcıl texnologiyalar haqqında biliklərini dərinləşdirmək imkanı verəcək.
-
Azərbaycanın quru sərhədlərinin bağlı saxlanmasından Milli Məclisin noyabrın 25-də keçirilən iclasında da bəhs edilib. Nazirlər Kabinetinin qərarında bu hal artıq ötən ildən Ümumdünya Səhiyyə Təşkilatının başa çatdığını elan etdiyi koronovirus pandemiyası ilə izah olunsa da, Milli Məclisin İnsan hüquqları komitəsinin sədri Zahid Oruc başqa səbəb göstərib. "Sərhədlərin açılması Rusiya-Ukrayna müharibəsindən 100 minlərlə qeyri-azərbaycanlı qaçqınların ölkəmizə axını ilə nəticələnəcək. O cümlədən, İranda hərbi zərbələrdən canını və sərvətlərini qorumaq üçün 100 minlərlə insan Azərbaycana keçməyə hazırdır. Belə qaçqın dalğasının gətirdiyi humanitar, sosial, mədəni fərqlərin toqquşması siyasi sabitliyi təhdid edə bilər", - o vurğulayıb.
-
Çərşənbə axşamı Baş Prokurorluq xaricdəki gəlirlərini gizlədən kənd təsərrüfatı məhsulları ixracçıları barəsində açılan yeni cinayət işləri haqqında məlumat yayıb.
Rəy yaz