![Афган Мухтарлы](https://turan.az/resized/750/500/resize/media/2018/main/050700009914.jpg)
Афган Мухтарлы
Əfqan Muxtarlı cəzaçəkmə müəssisəsinə göndərilir
Bu gün, mayın 7-si dostlarının həbsdəki jurnalist Əfqan Muxtarlı ilə görüşünə icazə verilməyib.
Bu barədə NİDA Vətəndaş Hərəkatından Samir Əsədli məlumat verib. Onun bildirməsinə görə, Şüvəlandakı 3 saylı İstintaq Təcridxanasına getsələr də jurnalistlə görüşə buraxılmayıblar.
"Bəzi istədikləri vardı, onları, ərzağı çatdırdıq", deyən S.Əsədli Ə.Muxtarlının cəzaçəkmə müəssisəsinə göndəriləcəyini bildirirb.
"Bu həftənin şənbə günü Əfqan Muxtarlının cəzaçəkmə müəssisəsnə göndərəcəklər. Ehtimal ki, onu ya 14 və ya 17 saylı CÇM-ə "etap" edəcəklər", o, bildirib.
Ə.Muxtarlı Şəkidəki penitensiar mərkəzdən ötən həftə Şüvəlana gətirilib.
* Jurnalist Ə.Muxtarlı ötən il mayın 29-da həbs olunub. Jurnalist Cinayət Məcəlləsinin (CM) 206 (qaçaqmalçılıq), 315 (hakimiyyət nümayəndəsinə zor tətbiq etmə) və 318-ci (dövlət sərhədini qanunsuz keçmə) maddələri ilə ittiham olunub. İddia olunur ki, Azərbaycan sərhədini qanunsuz keçən Ə.Muxtarlının üzərindən 10 min avro pul tapılıb. Onun sərhədi qanunsuz keçərkən hakimiyyət nümayəndəsinə zor tətbiq etdiyi də iddia olunur.
Jurnalist isə ittihamları qəbul etmir. Gürcüstandan zorla, döyülərək Azərbaycana təhvil verildiyini vurğulayıb.
Ə.Muxtarlı 2017-ci ilin yanvarında Balakən Rayon Məhkəməsinin hökmü ilə 6 il azadlıqdan məhrum olunub.
Şəki Apellyasiya Məhkəməsi həmin hökmü dəyişməyib.
Ə.Muxtarlı iki ildən çoxdur Gürcüstanda yaşayırdı. O, Azərbaycanda təqib olunduğunu bildirmişdi. Ə.Muxtarlı bir sıra araşdırma yazılarının da müəllifi idi.
Ə.Muxtarlının işi ilə bağlı Gürcüstanda da istintaq aparıldığı açıqlanıb. Ancaq bu ölkənin hüquq-mühafizə orqanları jurnalistin döyülərək Azərbaycana təhvil verilməsi ilə bağlı iddiaları qəbul etmirlər.-0--
-
- Cəmiyyət
- 7 May 2018 18:40
Cəmiyyət
-
Azərbaycandan Avropa Şurasının Parlament Assambleyasına (AŞPA) ölkədə sentyabrın 1-də keçiriləcək parlament seçkilərini müşahidə etmək üçün rəsmi dəvət göndərilməyib. Azərbaycan Xarici İşlər Nazirliyinin (XİN) sözçüsü Ayxan Hacızadə deyib ki, onlar 7 beynəlxalq təşkilata dəvət göndəriblər: “ATƏT Demokratik Təsisatlar və İnsan Haqları Bürosu, Müstəqil Dövlətlər Birliyi, İslam Əməkdaşlıq Təşkilatı, GUAM, Qoşulmama Hərəkatı Gənclər Təşkilatı, Şanxay Əməkdaşlıq Təşkilatı, Türk Dövlətləri Təşkilatı XİN-in dəvət etdiyi təşkilatlardır”.
-
Bakının Qaradağ rayonundan yeni köçkün qrupu Şuşa şəhərinə gedib, Qaçqınların və Məcburi Köçkünlərin İşləri üzrə Dövlət Komitəsi bildirib. Şuşanın yetmiş doqquz sakini, o cümlədən 21 ailə doğma şəhərə qayıdıb.
-
İyulun 31-də paytaxtda yağıntı gözlənilmir. Cənub-qərb küləyi əsəcək, günün ikinci yarısında şimal-qərb küləyinə keçəcək.
-
Azərbaycan Mərkəzi Seçki Komissiyası politoloq, “Atlas” Analitik Mərkəzinin rəhbəri Elxan Şahinoğluna bildirib ki, qarşıdakı parlament seçkilərində onun namizədliyi qəbul edilməyib. Şahinoğlu bu qərar barədə X sosial media- platforma vasitəsilə bildirib və məlumat verib ki, yeddigünlük cavab müddətinin bitməsinə cəmi 30 dəqiqə qalmış Mərkəzi Seçki Komissiyası onu telefonla xəbərdar edib.
Rəy yaz