Bakı/30/05/17/Turan: Dünən Gürcüstanda itkin düşmüş jurnalist və fəal Əfqan Muxtarlı Bakıya gətirilib. Bu barədə Turan agentliyinə onun vəkili Nemət Kərimli mayın 30-da saat 18-də bildirib.
"On dəqiqə əvvəl Əfqan mənə zəng edib və bildirib ki, Dövlət Sərhəd Xidmətinin mərkəzi idarəsindədir. İndi mən oraya gedirəm", deyə vəkil qeyd edib.
Kərimli Muxtarlının faktiki olaraq oğurlanmasını və gizlincə Azərbaycana gətirilməsini beynəlxalq normaların pozuntusu adlandırıb. Onun sözlərinə görə, Gürcüstan hakimiyyəti onu təhvil verməməli idi, belə ki, beynəlxalq normalara əsasən, bir şəxsin vətəndə həbsi təhlükəsi varsa, o, təhvil verilməməlidir, deyə vəkil qeyd edib. -1606D-
Cəmiyyət
-
Noyabrın 12-də Bakıda Birləşmiş Millətlər Təşkilatının (BMT) İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasında (COP29) liderlərin toplantısı başlayıb. "Euronews" telekanalı BMT-dəki mənbələrə istinadən bildirir ki, tədbirdə 100-ə yaxın dövlət başçısı iştirak edir.
-
Çərşənbə günü paytaxtda gecə və səhər yağış yağacağı gözlənilir. Şimal-şərq küləyi günün ikinci yarısında cənub-şərq küləyi ilə əvəz olunacaq.
-
Builki COP29 iqlim konfransının aktiv səhnələri arasında özünü FINS Təşəbbüsü adlandıran bir qrup tərəfindən təşkil edilən balina ovu və dənizin dərinliklərindən faydalı qazıntıların hasilatına qarşı etiraz nümayəndələrin və müşahidəçilərin diqqətini cəlb edib. Lakin qrupun legitimliyi ilə bağlı suallar yaranır, çünki İnternetdə axtarış onun mövcudluğuna dair dağınıq qeydlərdən başqa çox az dəlil verir.
-
Son iki gündə Tik-tok-da bakılıların dənizkənarı bulvarda gördükləri balina haqqında "xəbər" yayılıb. Ən çox "müşahidə edənlər" video göstərərək heyvanın ölçüsünü şərh ediblər. Sonra digər "şahidlər" bunun balina yox, köpək balığı olduğunu bildiriblər. Daha sonra sualtı qayıq haqqında versiya ortaya çıxıb.
Rəy yaz