Tbilisi/30.05.17/Turan: Leyla Mustafayeva - mayın 29-da Tbilisidə yoxa çıxmış jurnalist Əfqan Muxtarlının həyat yoldaşı, habelə siyasi mühacirlər Vidadi İsgəndərov və Daşqın Ağalarlı Gürcüstan hakimiyyətini Azərbaycanlı jurnalistin haraya yoxa çıxdığı barədə suala cavab verməyə çağırıblar.
Mayın 30-da onlar Tbilisidə mətbuat konfransı keçiriblər, Azərbaycanlı siyasi mühacirlərin Azərbaycan xüsusi xidmətləri tərəfindən Gürcüstan ərazisində təqibə məruz qalmaları barədə danışıblar.
Daşqın Ağalarlı qeyd edib ki, Əfqan Muxtarlı, çox güman ki, Gürcüstan hakimiyyətin yaratdığı fürsət sayəsində Azərbaycan hakimiyyəti tərəfindən oğurlanıb. Onun sözlərinə görə, oğurlanma Gürcüstanda Əliyev rejiminin əleyhdarlarını çoxdan izləyən SOCAR Dövlət Neft Şirkətinin Təhlükəsizlik Xidmətinin işidir.
"Biz onların hamısını üzdən tanıyırıq, dəfələrlə bizi təxribata təhrik etmək istəyiblər, daim izləyirlər və son iki həftədə xüsusilə həyasızca davranırlar.
Buna inanmaq istəmirəm, amma görünür, Gürcüstan hakimiyyəti Azərbaycan hakimiyyətinə öz ərazisində insanları oğurlamağa icazə verib", deyə o bildirib.
Digər siyasi mühacir Vidadi İsgəndərov bildirib ki, bir neçə gün əvvəl Gürcüstan hakimiyyətinin nümayəndələri ona açıq-aşkar bildiriblər ki, Bakı Gürcüstanı şantaj edir, siyasi mühacirləri öz ərazilərindən çıxarmağı tələb edir. "Əks halda Azərbaycan hakimiyyəti Gürcüstana qarşı iqtisadi sanksiyalarla hədələyir", deyən İsgəndərov Avropa İttifaqı və Nato üzvü olmaq istəyən ölkədə bunun yolverilməz olduğunu vurğulayıb.
Yoxa çıxan jurnalistin həyat yoldaşı Leyla Mustafayeva bildirib ki, Gürcüstan hakimiyyətindən ərinin harada olduğu, onun niyə axtarılmadığı və onun başına nə gəldiyi barədə suallara məntiqli cavab ala bilmir.
O da Əfqanın oğurlandığından və çox güman ki, jurnalistlik fəaliyyəti və Azərbaycan hakimiyyətini tənqid etdiyinə görə oğurlandığından əmin olduğunu bildirib.
O, Gürcüstan hakimiyyətinin həyat yoldaşının axtarışı və azad edilməsi üçün bütün zəruri tədbirləri görəcəyinə, baş verənlərdə təqsiri olanların isə cəzalandırılacağına ümid etdiyini deyib. -02B-
Cəmiyyət
-
Noyabrın 12-də Bakıda Birləşmiş Millətlər Təşkilatının (BMT) İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasında (COP29) liderlərin toplantısı başlayıb. "Euronews" telekanalı BMT-dəki mənbələrə istinadən bildirir ki, tədbirdə 100-ə yaxın dövlət başçısı iştirak edir.
-
Çərşənbə günü paytaxtda gecə və səhər yağış yağacağı gözlənilir. Şimal-şərq küləyi günün ikinci yarısında cənub-şərq küləyi ilə əvəz olunacaq.
-
Builki COP29 iqlim konfransının aktiv səhnələri arasında özünü FINS Təşəbbüsü adlandıran bir qrup tərəfindən təşkil edilən balina ovu və dənizin dərinliklərindən faydalı qazıntıların hasilatına qarşı etiraz nümayəndələrin və müşahidəçilərin diqqətini cəlb edib. Lakin qrupun legitimliyi ilə bağlı suallar yaranır, çünki İnternetdə axtarış onun mövcudluğuna dair dağınıq qeydlərdən başqa çox az dəlil verir.
-
Son iki gündə Tik-tok-da bakılıların dənizkənarı bulvarda gördükləri balina haqqında "xəbər" yayılıb. Ən çox "müşahidə edənlər" video göstərərək heyvanın ölçüsünü şərh ediblər. Sonra digər "şahidlər" bunun balina yox, köpək balığı olduğunu bildiriblər. Daha sonra sualtı qayıq haqqında versiya ortaya çıxıb.
Rəy yaz