Bakı/28.06.17/Turan: Azərbaycanlı jurnalist Əfqan Muxtarlının həbsi bu gün, iyunun 28-də Gürcüstan parlamentinin deputatalarının əsas müzakirə mövzularından biri olub.
Gürcüstanın hakim "Gürcü Arzusu" partiyasından olan bir qrup millət vəkili azərbaycanlı jurnalistin işi üzrə araşdırmların məzmunundan narazılıqlarını ifadə ediblər. Onlar parlament istintaq komissiyasının yaradılmasından yana olduqlarını bildiriblər.
Turan-ın xəbərinə görə, "Gürcü Arzusu" partiyasından olan deputat Giorgi Liluashvili bununla bağlı açıqlama verib.
Gürcüstan parlemntinin regional siyasət və özünüidarəetmə komitəsinin sədri Giorgi Liluashvili deyib ki, jurnalistin qaçırılması olayına aydınlıq gətirilməlidir.
"Azərbaycanlı jurnalistin qaçırılmasında kimlərin iştirak etdiyi araşdırılmalıdır. Bizim heyətdə heç kim xüsusi komissiyanın yaradılmasına qarşı deyil. Mənim belə bir komissiyanın yaradılmasını dəstəkləməyim istisna deyil. Aydındır ki, Gürcüstanın xüsusi xidmət orqanları bu işdə iştirak etməyib. Ancaq bu, araşdırılmalıdır", deputat deyib.
"Gürcü Arzusu" fraksiyasının sədri Mamuka Mdinaradze də Gürcüstan prezidentinin Əfqan Muxtarlının xanımını qəbul etməsindən bir gün sonra, bu gün parlament istintaq komissiyasının yaradılması təklifinə ilıq yanaşdığını açıqlayıb.
"Bu məsələ deputatalar arasında müzakirə edildi. "Gürcü Arzusu" fraksiyasının bir qismi hazırkı mərhələdə rəsmi istintaqın yekunlaşmasını gözləmək lazım olduğunu düşünərək istintaq komissiyası yaradılması təklifinə qarşı çıxır. Ancaq rəsmi istintaq Əfqan Muxtarlının işi ilə bağlı qaneedici nəticəyə gəlməzsə, biz bütün suallara işıq salacaq istintaq komissiyası yaratmaq məcburiyyətində qalacağıq", deyə Mamuka Mdinaradze bildirib.
Hakim partiya deputatları daxilində istintaq komissiyası yaradılması ideyasını dəstəkləyənlər olsa da, deputataların nisbu çoxluğu hüquq mühafizə qurumlarının araşdırmlarının yekunlaşmasını gözləməyin doğru olduğunu düşünür.
Parlamentin insan haqları komitəsinin sədri Sophio Kiladze-nin fikrincə, istintaqın ağlabatan müddətdə davam etməsini gözləmək lazımdır.
Cəmiyyət
-
Azərbaycanda meymunçiçəyi virusuna yoluxma ilə bağlı ilk hal aşkarlanıb. Bu barədə Azərbaycan Səhiyyə Nazirliyinin və Tibbi Ərazi Bölmələrini İdarəetmə Birliyinin (TƏBİB) 18 yanvar tarixli birgə məlumatında deyilir.
-
Lider mobil operator şagird və valideynləri virtual məkanda təhlükəsiz davranış qaydaları ilə tanış edir Azercell uşaqların virtual məkanda təhlükəsizliyini təmin etmək və rəqəmsal savadlılığı artırmaq məqsədilə ölkə üzrə “Təhlükəsiz İnternet” mövzusunda təlimlərini davam etdirir. Bu dəfə layihə Quba, Xızı, Sumqayıt və Mingəçevir şəhərlərində keçirilib.
-
Azərbaycanla Ermənistan növbəti mərhələdə delimitasiya işlərinin İranla sərhədə qədər başlanması barədə razılığa gəlib. Bununla bağlı yanvarın 16-da Azərbaycan baş nazirinin müavini Şahin Mustafayevlə ermənistanlı həmkarı Mher Qriqoryanın sədrliyi ilə iki ölkənin dövlət sərhədinin delimitasiya və təhlükəsizliyi komissiyalarının iclasında razılıq əldə edilib.
-
Yanvarın 20-də Bakıda və Abşeron yarımadasında yağışlı və küləkli hava şəraiti gözlənilir. Bu barədə meteoroloji proqnozlarda məlumat verilib.
Rəy yaz