Bakı/25.09.19/Turan: Həbsdə olan jurnalist Əfqan Muxtarlı 16 saylı cəzaçəkmə müəssisəsində keçirdiyi aclıq aksiyasının dayandırılmasının səbəblərini açıqladı. O, evə zəng vuraraq bildirdi ki, aclıq aksiyasının 3-cü günü gözündə kəskin ağrılar başlayıb. Bu barədə Muxtarlının həyat yoldaşı Leyla Mustafayeva sosial şəbəkədə yazdı. "Ağrıları hələ də keçməyib. Təcili müayinəyə ehtiyacı olduğunu bildirdi".
Mustafayevanın sözlərinə görə, cəzaçəkmə müəssisəsində işləyən məhbuslardan məcburi şəkildə Nemət Kərimliyə qarşı ifadə almağa çalışırlar. "Əfqan hesab edir ki, Nemət Kərimliyə təzyiqlərlə bağlı işin araşdırılmasını Ədliyyə Nazirliyi üzərinə götürməlidir. Araşdırmalar yekunlaşanadək 16 saylı CÇM-nin rəisi Şəfayət Abbasov və Emin Eminəliyev vəzifəsindən uzaqlaşdırılmalıdır. Dedi ki, Nemət Kərimliyə qarşı özbaşınalıqlara son qoyulmasa, yenidən aclıq aksiyasına başlayacaq və bu dəfə aclıq aksiyasına başqa məhbuslar da qoşulacaq".
Məsələ ilə bağlı Penitensiar Xidmətindən münasibət öyrənmək mümkün olmayıb.
2018-ci ilin aprelin 23-də Nemət Kərimlinin vəkillik fəaliyyəti bir illiyə dayandırılmışdı. Vəkillər Kollegiyasının Rəyasət Heyəti bu qərarı Baş Prokurorluğun təqdimatı ilə vermişdi.
Son illər Azərbaycanda bir sıra vəkillərin fəaliyyəti müvəqqəti, ya da müddətsiz dayandırılıb.Onların bəziləri müxalif siyasətçiləri, müstəqil jurnalistləri müdafiə edən şəxslər olub.Həmin şəxslər bunu əsasən müstəqil vəkillərin sıradan çıxarılması kimi dəyərləndiriblər.
Vəkillər Kollegiyasının rəhbəri isə əksinə onları qanunverciliyin tələblərini pozmaqda günahlandırıb.
Nemət Kərimli 6 il həbs cəzası alan jurnalist Əfqan Muxtarlının vəkilidir.Əfqan Muxtarlı isə qaçaqmalçılıqda, sərhədi qanunsuz keçməkdə və hakimiyyət nümayəndəsinə zor tətbiq etməkdə ittiham olunaraq 2017-ci ildə həbs edilib.O, ittihamları qurama sayır. 2014-cü cü ildən mühacirətə gedən jurnalst Gürcüstandan oğurlanaraq Azərbaycana gətirildiyini bəyan edib.O bu məsələdə Gürcüstanın hüquq mühafizə orqanlarını da günahkar sayır.Amma həmin vaxt Gürcüstan baş naziri onlara qarşı ittihamların əsasız olduğunu açıqlamışdı.-06D--
Cəmiyyət
-
Bazar günü, yanvarın 12-də Bakıda və Abşeron yarımadasında havanın dəyişkən buludlu, arabir tutqun, əsasən yağmursuz olacağı gözlənilir.
-
Yanvarın 11-də Bakıda hava dəyişkən olacaq, yağıntı olmayacaq. Səhər Abşeronun bəzi yerlərində qısamüddətli yağış yağa bilər. Mülayim cənub-qərb küləyi əsəcək.
-
Yeni funksiya sayəsində müştərilər fərdiləşdirilmiş təkliflərdən birbaşa ”Azercell” tətbiqindən faydalana biləcəklər Abunəçilərinə ən yaxşı rəqəmsal təcrübəni təqdim etməyi hədəfləyən lider mobil operator “Azercell” tətbiqinin texnoloji imkanlarını genişləndirməyə davam edir. Abunəçilər üçün xüsusi hazırlanan təkliflərlə artıq birbaşa tətbiqdən tanış olmaq və rahat şəkildə faydalanmaq mümkündür.
-
2017-ci ildə Sumqayıt Şəhər Məhkəməsi Qubadlıdan qaçqın olan Əliyevlər ailəsinin (Əkbər, Sərvinaz, Ramil və daha iki ailə üzvü) 12-ci mikrorayon, ev 7A, mənzil 35 ünvanında qanunsuz tutduğu mənzildən çıxarılması barədə qərar qəbul edib. Məhkəmə əmlakın qanuni sahibinə- Səmayə Əliyevaya qaytarılması barədə qərar qəbul edib.
Rəy yaz