Radio Free Europe
Bakı/23.06.17/Turan: Bakı Apellyasiya Məhkəməsi Gürcüstandan müəmmalı şəkildə Azərbaycan gətirilərək həbs edilən jurnalist Əfqan Muxtarlının şikayətini təmin etməyib.
Bu haqda AzadlıqRadiosuna jurnalistin vəkili Elçin Sadıqov məlumat verib.
Şikayət Əfqan Muxtarlı barəsində çıxarılan 48 saat ərzində tutma qərarı ilə bağlı idi.
Şikayətə Bakı Apellyasiya Məhkəməsinin hakimi Faiq Qasımov baxıb.
Vəkilin bildirdiyinə görə, məhkəmə onların arqumentlərini qəbul etməyib. Aşğa məhkəmənin qərarı qüvvədə saxlanılıb.
Qeyd edək ki, Əfqan Muxtarlı barəsində çıxarılan 48 saat ərzində tutma qərarından öncə məhkəmə nəzarət qaydasında Səbail rayon Məhkəməsinbə şikayət edilmişdi. Ancaq həmin məhkəmə iyunun 16-da şikayəti təmin etməmişdi.
Vəkil Elçin Sadıqov həmçinin, həbsdəki jurnalistin səhhətində problemlərin olduğunu bildirib.
"Həkimlər təcridxanada Ə.Muxtarlının şəkərini yoxlayıb. Onlar rəy veriblər ki, jurnalistin şəkəri çox yüksəlib və təhlükəli həddədir. Həkimlər respet də yazıblar. Ancaq təcridxanada Ə.Muxtarlı dərmanla təmin edilməyib", vəkil deyib.
Cəmiyyət
-
Sərhəd axtarışı və əməliyyat tədbirləri nəticəsində yanvar ayının 30-da saat 11:20-də "Göytəpə" sərhəd dəstəsinin xidməti ərazisində 16,4 kq narkotik vasitə (11 kq 300 qram marixuana, 5 kq 100 qram tiryək) və 1990 ədəd narkotik tərkibli güclü təsiredici metadon M - 40 həbinin qaçaqmalçılıq yolu ilə İrandan Azərbaycana ərazisinə keçirilməsinin qarşısı alınıb.
-
Fevralın 5-də soyuq, küləkli hava şəraiti gözlənilir, xəbəri sinoptiklər yayıb. Paytaxtda və ölkənin əksər hissəsində gücü saniyədə 20 metrə çatan şimal-qərb küləyi əsəcək.
-
Məntəqə daxilində vətəndaşın razılığı olmadan çəkiliş aparmaq dayandırıla bilər. Yerli mediada yayılan məlumatlara görə, bununla bağlı fevralın 1-də Mərkəzi Seçki Komissiyasının (MSK) sədri Məzahir Pənahov danışıb. Qurumun sədrinin sözlərinə görə, bu proses tamamilə qadağaya səbəb ola bilər: "Vətəndaşla söhbət etmək, onun fikrini almaq olar. Amma onun işinə, prosesə mane olmaq, icazəsiz çəkiliş aparmaq doğru deyil".
-
Fevralın 4-də Bakıda hava dəyişkən olacaq, yağıntı olmayacaq. Səhər və axşam bəzi yerlərdə duman olacaq. Mülayim cənub-qərb küləyi əsəcək. Havanın temperaturu gecə müsbət 4 +7, gündüz müsbət 8 + 13 dərəcə olacaq. Rütubət 70-80 faiz olacaq.
Rəy yaz