Əfqan Sadıqov. Açiq mənbələrdən foto.
Bakı/25.01.21/Turan: “Azel TV” saytının rəhbəri, 82-ci gündür ki, aclıq edən Əfqan Sadıqov komaya düşüb. Bunu onun xanımı Sevinc Sadıqova bildirib.
"Yanvarın 21-də ikinci yarısından Əfqan komadadır. O, yuxuya gedib və oyanmayıb. Həbsxana xəstəxanasında onunla eyni palatada olan məhbus həkimləri çağırıb. Əfqanı aparata qoşublar. Mənə dedilər ki, bundan sonra o oyanıb, amma mən buna inanmıram", - S.Sadıqova Turan agentliyinə bildirib.
Onun həyat yoldaşı ilə telefonla danışmaqla bağlı xahişindən Ədliyyə Nazirliyinin tibb müəssisəsində imtina ediblər.
"Qrafik var, Əfqan həmin qrafik üzrə evə zəng edə bilər. Həkim dedi ki, əgər zəng etməsə, deməli, səhhəti imkan vermir. Əgər o, komada deyilsə, qoy, icazə versinlər ki, huşu özündə olduğunu telefonla söyləsin", - S.Sadıqova davam edib.
Ədliyyə Nazirliyi Baş Tibb İdarəsinin rəis müavini İftixar Qurbanov "Amerikanın səsi"nin Azərbaycan xidmətinə bildirib ki, hazırda müalicə müəssisəsində komaya düşmüş pasiyent yoxdur.
O, araşdıracağını və jurnalistin vəziyyəti barədə məlumat verəcəyini vəd edib, lakin sonradan onunla əlaqə yaratmaq mümkün olmayıb.
Bu gün Ədliyyə Nazirliyinin müalicə müəssisəsində Əfqan Sadıqova ombudsmanın nümayəndələri baş çəkiblər. Bu qurumun əməkdaşı Vüqar Heydərov bildirib ki, Ə.Sadıqovun huşu yerindədir.
“Ombudsmanın tapşırığı ilə biz hər gün onun vəziyyətini yoxlayırıq. Bu gün biz onunla söhbət etdik. O, sərbəst danışır, amma müstəqil hərəkət edə bilmir. Çox arıqlayıb və öz işinə yenidən ədalətli baxılmasını tələb edir", - V.Heydərov qeyd edib və təsdiqləyib ki, Ə.Sadıqov aclığı davam etdirir.
Telefon əlasiqənin mümkünsüzlüyü barədə Ə.Sadıqovun xanımının sözlərinə toxunan V.Heydərov bildirib ki, onun məlumatına görə, telefon danışıqlarına məhdudiyyət yoxdur.
"Biz bunu araşdıracağıq, amma Əfqan Sadıqov özü ailəsi ilə görüşlərin və telefon danışıqlarının məhdudlaşdırılmasından şikayət etməyib", - "Biz bunu araşdıracağıq, amma əfqan Sadıqov ailəsi ilə görüşlərin və telefon danışıqlarının məhdudlaşdırılmasından şikayət etməyib", -V.Heydərov qeyd edib.
*”Azel.TV” saytının rəhbəri Əfqan Sadıqov bu ilin mayında hədə yolu ilə tələb etmək ittihamı ilə həbs olunub. Noyabrın 3-də məhkəmə onu yeddi il müddətinə azadlıqdan məhrum edib. O, hökmü ədalətsiz hesab edib və etiraz əlaməti olaraq noyabrın 4-dən aclıq elan edib.
Yerli hüquq-müdafiə təşkilatları onu siyasi məhbus kimi tanıyıblar. —03B-
Cəmiyyət
-
Çərşənbə axşamı paytaxtda yağış gözlənilir, bəzi yerlərdə intensiv olacaq, şimşək çaxacaq. Mülayim şimal-qərb küləyi əsəcək. Proqnozlara görə, yağışlı hava çərşənbə axşamına qədər davam edəcək.
-
Google, Ambition Loop, Azercell və “Azərbaycan Dəmir Yolları” QSC kimi qlobal və yerli şirkətlərin nümayəndələri dayanıqlı inkişafın təşviqində korporativ məsuliyyət, innovasiya və tərəfdaşlıqların rolunu müzakirə ediblər
-
Bakıda keçirilən COP29 konfransı mübahisələr və tənqidlərin kölgəsində başa çatdı. Tanınmış tarixçi Cəmil Həsənli bu tədbiri Prezident İlham Əliyevin rəhbərliyi altında Azərbaycanın idarəçilik problemlərinin parlaq əks olunması kimi xarakterizə etdi. Administrasiyanın qatı tənqidçisi olan Həsənli, COP29-u bahalı bir tamaşa adlandıraraq sistemli çatışmazlıqları üzə çıxardığını və Azərbaycanın siyasi və iqtisadi strukturlarına beynəlxalq diqqəti artırdığını vurğuladı.
-
Avropa Parlamenti Prezidenti Roberta Metsola azərbaycanlı iqtisadçı və siyasi məhbus, professor Qubad İbadoğlunu 2024-cü il Saxarov Mükafatı təqdimetmə mərasimində iştirak etmək üçün Strasburqa dəvət edib. Dəvət məktubu COP29 iqlim konfransı zamanı Avropa Parlamenti üzvü Maykl Bloss tərəfindən çatdırılıb. Lakin İbadoğlu hazırda ev dustaqlığında olduğu və Azərbaycandan çıxmasına qadağa qoyulduğu üçün dəvəti qəbul edə bilmir.
Rəy yaz