Əfqanıstan vətəndaşı üzərək Azərbaycan sərhədini pozub
Avqustun 25-də saat 21:00-da Dövlət Sərhəd Xidmətinin Sahil Mühafizəsi tərəfindən Xəzər dənizinin su səthinin müşahidəsi zamanı bir şübhəli şəxsin İran tərəfdən Azərbaycan istiqamətində dövlət sərhədini pozaraq Astara rayonunun sahil xəttinə doğru üzməsi müşahidə olunub.
Həmin şəxsin saxlanılması istiqamətində tədbirlər görülərək, sahil nəzarəti bölmələri aidiyyatı üzrə məlumatlandırılıb və sahil xətti boyu ərazinin qapadılması təmin olunub.
Dövlət sərhədini pozmağa cəhd göstərən şəxs Sahil Mühafizəsinin bölmələrinin fəaliyyəti nəticəsində saxlanılıb. Onun Əfqanıstan vətəndaşı Mahmud Hil Bilal oğlu (1998-ci ildə anadan olub) olduğu müəyyən edilib, Azərbaycan Dövlət Sərhəd Xidmətinin məlumatında deyilir.
Fakt üzrə əməliyyat-istintaq tədbirləri davam etdirilir.
Cəmiyyət
-
Daxili İşlər Nazirliyi Baş Mütəşəkkil Cinayətkarlıqla Mübarizə İdarəsinin əməkdaşları Bakı ərazisində narkotik maddələrin qanunsuz dövriyyəsi və satışı ilə məşğul olan şəxslərə qarşı əməliyyatlar keçiriblər. Bu barədə Daxili İşlər Nazirliyinin məlumatında deyilir.
-
Avqustun 28-də Bakıda və Abşeron yarımadasında hava şəraitinin dəyişkən buludlu, əsasən yağıntısız olacağı gözlənilir. Şimal-qərb küləyi gündüz şimal-şərq küləyi ilə əvəz olunacaq.
-
Lider mobil operator sosial layihə təkliflərinin qəbuluna başlayır Azercell “Bağlantını asanlaşdırır, həyatı daha dolğun edirik” strateji məqsədinə sadiq qalaraq qadınların ictimai həyatda fəallığının artırılmasını hədəfləyən sosial layihə müsabiqəsini elan edir. Müsabiqənin məqsədi qadınların cəmiyyətdə mövqeyinin yaxşılaşdırılmasına, həmçinin maddi-mənəvi rifahının artırılmasına dəstək olmaqdır.
-
Avqustun 22-də Azərbaycanda Bakı Təşəbbüs Qrupu və Bonayre İnsan Hüquqları və Dəyişiklik naminə Hərəkatın təşkilatçılığı ilə "Bonayre adasının Bakıdan keçən BMT Baş Assambleyasındakı öz müqəddəratını təyinetmə yolu" adlı beynəlxalq konfrans keçirilib.
Rəy yaz