Yanvarın 24-dən yoxa çıxan dini fəal Əhsən Nuruzadə həmin gün polisə tabe olmamaq ittihamı ilə 10 sutkalığa həbs edilib.
Qanuna zidd olaraq onu yanvarın 30-dək DİN Baş Mütəşəkkil Cinayətkarlıqla Mübarizə İdarəsində saxlayıblar, qohumlarına məlumat verməyiblər, vəkillə görüşünə icazə verməyiblər. Bunu Turan-a onun vəkili Yalçın İmanov bildirib.
Bu gün vəkil Binəqədi təcridxanasında Ə.Nuruzadə ilə görüşüb.
Polis bildirib ki, Ə.Nuruzadə BMCMİ-nin qarşısında bu qurumun ünvanına xoşagəlməz ifadələr işlədib. Polislər xuliqanlığa son qoymasını tələb etdikdə Ə.Nuruzadə onları söyərək qaçmaq istətyib.
Əslində Ə.Nuruzadəni qaçırıblar və psixoloji təzyiq göstəriblər. Ondan Demokratik Qüvvələrin Milli Şurasının, Taleh Bağırzadənin və hüquq müdafiəçisi Oqtay Gülalıyevin əleyhinə ifadə verməsini tələb ediblər. Əsasən ondan tələb edilib ki, Taleh Bağırzadənin Qərb və İran tərəfindən maliyyələşdirilməsi barədə ifadə versin, vəkil bildirib.
Ə.Nuruzadə “Nardaran işi” üzrə məhkəmə iclaslarında iştirak edib. T.Bağırzadə və digər 17 dindar bu iş üzrə keçir. Ə.Nuruzadə yanvarın 24-də saat 17:00-da evdən çıxıb siqaret almağa gedib, ancaq qayıtmayıb,
Bu müddətdə onun ailə üzvlərinin və vəkillərin bütün instansiyalara- DİN rəhbəri Ramil Usubov, müxtəlif polis məntəqələri, ombudsman apararı, BQXK-ə müraciətləri nəticə verməyib. -0--
2017 Yanvar 30 (Bazar ertəsi) 12:02:36
Yanvarın 24-də itkin düşmüş dindar Əhsən Nuruzadənin yeri məlum olub. 6 gün sonra onun ailəsinə DİN-in Mütəşəkkil Cinayətkarlığa qarşı Mübarizə İdarəsində (MCMİ) olduğunu bildiriblər. Bu barədə Nuruzadənin ailəsi bildirib. Onlara bazar günü məlumat verilib. Amma saxlanma səbəbləri haqqında ailəyə heç bir məlumat verilməyib.
Bazar ertəsi səhər saatlarında Nuruzadəni müdafiə edən vəkil Yalçın İmanov MCMİ-yə dəvət olunub. O, hazırda oradadır.
İmanov bu gün Nuruzadənin yoxa çıxması və hüquq-mühafizə orqanlarının reaksiya verməməsi ilə bağlı Baş Prokurorluğa müraciət etməyə hazırlaşırdı.
Əhsən Nuruzadə ilahiyyatçı Taleh Bağırzadə və digər 17 şəxslə bağlı "Nardaran işi" üzrə məhkəmə iclaslarında daim iştirak edirdi. O, yanvarın 24-də saat 17:00-da siqaret almaq üçün evdən çıxıb və geri qayıtmayıb. Bütün bu müddət ərzində ailə üzvlərinin bütün instansiyalara - DİN başçısı Ramil Usubova, müxtəlif polis bölmələrinə, Ombudsman Aparatına, BQXK-yə müraciət etməsinə baxmayaraq Nuruzadənin harada olduğunu öyrənmək mümkün olmamışdı. -0-
2017 Yanvar 28 (Şəmbə) 19:20:06
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz