Azərbaycan texniki yağ bazarına çıxır
Fevralın 1-dən ticarət şəbəkəsində Azərbaycanda ilk dəfə “Technol” markalı texniki yağlar satılacaq.
Məhsulun istehsalçısı (mühərrik yağları, reduktor yağları, ötürmə qutusu, sürtkü hidravlik yağları) 2015-ci ildə yaradılan “Technoil” şirkətidir. Təsisçiləri Cavid Səbzəliyev və Elvin Hacıyevdir, deyə “Technoil” MMC-də Turan-a bildiriblər. Səbzəliyev həmçinin “Sobsan” markalı lak-boya materialları istehsalçısının həmtəsisçilərindən biridir.
İstehsal prosesi Türkiyədə alman texnologiyası ilə istehsal edilən avdanlıqlarla həyata keçiriləcək. Zavodun laboratoriyası Avropa və Yaponiyanın aparıcı firmalarının cihazları ilə təchiz edilib. Zavodun məhsulları yük və minik avtomobilləri, motosikletlərin bütün növləri üçün nəzərdə tutulub. Məhsulun istehsalı üçün xammal Fransa, İtaliya, Rusiya və başqa ölkələrdən gətirilir. Məhsul APİ və Acea beynəlxalq standartlarına uyğundur.
Müəssisənin yaradılmasına 5 mln manat investisiya qoyulub. Zavodun ilkin gücü 50 min tondur. Şirkət yaxın vaxtlarda istehsalı iki dəfə artıracaq. O həmçinin xarici bazarlara çıxmaq istəyir.
Müəssisədə ümumilikdə 50-yə yaxın işçi çalışır. Qeyd edək ki, yeni müəssisənin 7 il vergi güzəşti var. 08B
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz