İstintaq yazıçı Əkrəm Əylisliyə qarşı ittihamı daha ağır maddə ilə dəyişib. Bunu yazıçının vəkili Elçin Sadıqov bildirib. Belə ki, CM-in 221.1-ci maddəsi (xuliqanlıq) 315.1-ci maddəyə (güc tətbiq etməklə hakimiyyət nümayəndəsinə müqavimət göstərmək) tövsif edilib.
Vəkil deyib ki, 315.1-ci maddə 3 ilədək azadlıqdan məhrumetmə cəzasını nəzərdə tutur. Bu maddə üzrə alternativ cəza nəzərdə tutulmayıb. İş Nəqliyyatda Polis İdarəsindən Bakı prokurorluğuna verilib.
Qeyd edək ki, iki gün öncə Ə.Əylisli ölkə prezidentinə açıq məktub yazaraq 78 yaşında şəxsin aeroportun sərhəd xidmətinin 35 yaşlı əməkdaşını vurması barədə ittihamın gülünc olduğunu göstərib.
Yazıçı dövlət başçısındam məsələyə müdaxilə etməyi və özbaşınalığa yol verilməməsini xahiş edib.
Xatırladaq ki, Ə.Əylisli martın 31-də Bakı aeroportunda saxlanılıb. O, beynəlxalq ədəbiyyat festivalına gedirmiş. 15 saat saxlandıqdan sonra yazıçını buraxıblar, lakin sərhədçini döyməkdə ittiham edərək xuliqanlıq ittihamı üzrə cinayət işi açıblar.
Ə.Əylisli əmindir ki, o, hakimiyyətin qəzəbinə səbəb olan “Daş yuxular” romanına görə təqib olunur.-03B-
Cəmiyyət
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
-
Ötən gecə Azərbaycan-Ermənistan sərhədində 4.8, 3 və 3.8 maqnitudalı zəlzələlər baş verib, Azərbaycan Milli Elmlər Akademiyası Respublika Seysmoloji Xidmət Mərkəzi bildirib.
Rəy yaz