психолог Азад Исазаде
Bakı/28.08.18/Turan: Azərbaycanda "Psixoloji yardım haqqında" qanun hazırlanır. Bunu Turan-a tanınmış psixoloq Azad İsazadə bildirib. O, layihənin hazırlanmasında birbaşa iştirak etməsə də bununla bağlı iş getməsi barədə məlumatlıdır.
Ekspert belə qanunun qəbul edilməsinə ehtiyacın olduğunu deyib. O qeyd edib ki, indiyə kimi psixoloqları birləşdirən bir dövlət qurumu və ya başqa bir ictimai cəmiyyət yoxdur, onların bir qismi QHT-lərin tərkibində, digər qismi isə kommersiya qurumlarında fəaliyyət göstərirlər.
"Hazırda Azərbaycanda uşaq, tibbi-klinik psixoloqlara ciddi ehtiyac var və həm də bu, sırf ixtisaslaşma tələb edən sahədir. Yəni, bu mütəxəssislər bir-birini əvəz edə bilməzlər", - A.İsazadə vurğulayıb.
Eyni zamanda psixoloq qanunun qəbul edilməsilə bu sahədə sürətli irəliləyişin ola biləcəyilə bağlı sualı cavablandırmağa çətinlik çəkib.
"Hələ bilmək olmaz ki, yeni qanun bu sahənin inkişafına xidmət edəcək, ya yox", - o qeyd edib.
Xatırladaq ki, Milli Məclisin Səhiyyə komitəsi "Psixoloji yardım haqqında" qanun layihəsi hazırlayıb. Layihə parlamentin payız sessiyasının gündəliyinə daxil edilib. -05D06-
Cəmiyyət
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
-
Ötən gecə Azərbaycan-Ermənistan sərhədində 4.8, 3 və 3.8 maqnitudalı zəlzələlər baş verib, Azərbaycan Milli Elmlər Akademiyası Respublika Seysmoloji Xidmət Mərkəzi bildirib.
Rəy yaz