Yerevan/28.08.18/Turan: Azərbaycanın Kollektiv Təhlükəsizlik Müqaviləsi Təşkilatı (KTMT) və Avrasiya İqtisadi Birliyində (AİB) üzvlüyü məsələsinə baxılarsa Ermənistan öz veto hüququndan istifadə edəcək. Bu barədə Ermənistan XİN mətbuat katibi Anna Naqdalyan avqustun 28-də Yerevanda jurnalistlərə bildirib. O, Azərbaycanın KTMT və AİB-də iştirakının mümkünlüyü barədə sualı belə şərh edib.
"Həqiqətən analitik dairələrdə belə müzakirələr gedir, lakin bu müzakirələr ehtimallara əsaslanır. Ermənistan XİN-in rəsmi mövqeyi belədir: Azərbaycanın KTMT və AİB-də üzvlüyü məsələsinə baxılarsa Ermənistan öz veto hüququndan istifadə edəcək", - A.Naqdalyan bildirib.
Onun sözlərinə görə, KTMT və AİB-də qərarlar konsensus ilə qəbul olunur. "Biz bu məsələyə dair mövqeyimizi bəyan etmişik. Ermənistanın xarici işlər naziri Mnatsakanyan ölkənin mövqeyini aydın açıqlayıb", - o deyib.
Qeyd edək ki, bundan öncə Azərbaycan Milli Məclisinin parlament komissiyalarından birinin rəhbəri və Rusiya ilə parlament dostluq qrupunun sədri Əli Hüseynli Azərbaycanın ən azı müşahidəçi qismində KTMT-də iştirakının sərfəli olduğunu bildirmişdi.-02D-
Siyasət
-
Azərbaycan Suriya xalqının üzləşdiyi humanitar problemlərin aradan qaldırılmasına töhfə verməyə hazırdır.
-
Həbsdə olan Kanal 13 internet televiziyasının icraçı direktoru Əziz Orucovun cinayət işi üzrə ibtidai istintaq başa çatıb. Cinayət işi baxılması üçün Səbail Rayon Məhkəməsinə göndərilib, bu barədə vəkil Bəruz Bayramov bildirib.
-
9 dekabr 2024-cü il tarixində Ər-Riyad şəhərində Azərbaycan Respublikası və Səudiyyə Ərəbistanı Krallığı Xarici İşlər Nazirlikləri arasında siyasi məsləhətləşmələrin üçüncü raundu keçirilib, bu barədə Azərbaycan XİN məlumat yayıb.
-
Dekabrın 10-da Gəncə Ağır Cinayətlər Məhkəməsi hakim Natiq Əliyevin sədrliyi ilə Azərbaycan Xalq Cəbhəsi Partiyasının (AXCP) Daşkəsən Rayon Şöbəsinin sədri Sahib Məmmədzadəni külli miqdarda narkotik vasitənin qanunsuz dövriyyəsində təqsirli bilərək, 6 il 6 ay həbsə məhkum edib. Bu barədə Turan-a vəkil Zabil Qəhrəmanov bildirib.
Rəy yaz