Bakı/27.04.17/Turan: Bu ilin martında qanuna edilən düzəlişə görə, icra hakimiyyəti orqanı saytların bloklanmasına təşəbbüs göstərə bilər. Ancaq bir sıra müxalifət resursuna qarşı iddia bu normaların pozulması ilə qaldırılıb. Bunu Turan agentliyinə Sivil Toplum Platformasının üzvü, media sahəsində ekspert Ələsgər Məmmədli bildirib.
Rabitə və Yüksək Texnologiyalar Nazirliyinin Elektron Təhlükəsizlik Mərkəzinin azadliq.org, azadliq.info, meydan.tv, “Turan” telekanalı (TuranTV) və “Azərbaycan saatı”nın saytlarının bloklanması ilə bağlı məhkəmə iddiasını şərh edən Ə.Məmmədli deyib ki, qanuna görə, qadağan edilən informasiyanın yerləşdirilməsi ilə bağlı öncə İnternet resurslara məlumat verilməli və çıxarılması tələb olunmalıdır. Əgər saytların rəhbərliyi bundan imtina edərsə nazirlik məhkəməyə müraciət edə bilər.
İndiki halda həmin saytlara belə bir xəbərdarlıq göndərilməyib.
Ekspert hesab edir ki, saytların bloklanması ilə bağlı iddiada məqsəd tənqidi onlayn medianın Azərbaycanda yayılmasını əngəlləməkdir. Sərbəst giriş imkanlarını məhdudlaşdırmaqdır.
“Ancaq bütünlükdə bunu məhdudlaşdırmaq mümkün deyil, “proxy” proqramlar və s. həmin saytlara girişə imkan yaradacaq. Amma burda ikinci bir məqsəd ola bilər. Məhkəmə qərarından sonra həmin saytlarla əməkdaşlıq edənlərin özlərinin təqibinə başlanıla bilər. Onları qanunsuz fəaliyyətdə ittiham etmək, təqib etmək, qorxutmaq ehtimalı mümkündür”, - Ə.Məmmədli bildirib.
Digər tərəfdən, rəsmi qurumlar həmin saytlara informasiya verməkdən imtina edəcəklər.
Azərbaycanda saytların məhkəmə qərarından şikayət vermək şansı demək olar ki, yoxdur.
Amma Avropa İnsan Hüquqları Məhkəməsinə müraciət edərlərsə ciddi perspektiv ola bilər, Ə.Məmmədli qeyd edib.—06D—
Cəmiyyət
-
Lider mobil operatordan yeni Xiaomi smartfonunu əldə edən müştərilərə seçilmiş SuperSən tarif paketlərinə 50% endirim Azercell “Gənclər Günü” münasibətilə istifadəçilərə xüsusi kampaniya təqdim edir. Belə ki, “Azercell Exclusive” və rəsmi diler mağazalarından “Xiaomi Redmi Note 14” seriyasına aid smartfonlar əldə edən müştərilər “Supersən 6GB” və ya “Supersən 10GB” tarif paketinə 2 ay müddətində 50% endirim qazanacaqlar.
-
“Gubad İbadoğlu işi” çərçivəsində həbs edilən Fazil Qasımov və Anar Əliyevin məhkəmə prosesi cümə axşamı Bakı Ağır Cinayətlər Məhkəməsində davam edib. Hakim Mahirə Kərimovanın sədrliyi ilə keçirilən iclasda müdafiə tərəfi prosedur pozuntuları və saxta pul sübutlarının təqdim olunma qaydasına dair narahatlıqlarını ifadə edib.
-
"Göytəpə" sərhəd dəstəsinin xidməti ərazisində ümumi çəkisi 7 kiloqram 145 qram narkotik vasitəni ölkə ərazisinə keçirməyə cəhd edən İran vətəndaşı 1984-cü il təvəllüdlü Mollayı Meysən Allahbaxış saxlanılıb. Bu barədə yanvarın 31-də Azərbaycan Dövlət Sərhəd Xidməti məlumat yayıb.
-
Yanvarın 31-də saat 12 radələrində Ağcabədi rayonunun Hindarx qəsəbəsində yerləşən evlərdən birində 5 nəfərin ölməsi, 2 nəfərin yaralanması ilə nəticələnən partlayış baş verib. Xəbəri Baş Prokurorluğun mətbuat xidməti yayıb. Faktla bağlı Ağcabədi rayon prokurorluğunda araşdırma aparılır.
Rəy yaz