![Açiq mənbələrdən foto.](https://turan.az/resized/750/500/resize/media/2022/main/071500048247.webp)
Açiq mənbələrdən foto.
Ekspert:"Koronavirusun yeni dalğasından qorunmaq üçün gigiyenik qaydalara əməl olunmalıdır"
Bakı/15.07.22/Turan: Ötən aylarla müqayisədə son vaxtlar Azərbaycanda COVİD-19 virusuna yoluxmada artım müşahidə edilir, gələcəkdə rəqəmlərin daha da təhdidedici səviyyəyə çatmaması üçün vətəndaşlar gigiyena qaydalarına və sosial məsafəyə riayət etməlidirlər. Bunu Səhiyyə Nazirliyinin mütəxəssis-eksperti Zakir Quliyev bildirib.
Onun fikrincə, son vaxtlar yoluxma sayında müşahidə olunan artım Ümumdünya Səhiyyə Təşkilatını koronavirus pandemiyasının davam etməsi və virusun yeni mutasiyalarının aşkarlanması barədə açıqlama verməyə məcbur edib.
Quliyev hazırda ABŞ, Fransa, Böyük Britaniya və Almaniya kimi ölkələrdə kəskin artımın müşahidə olunduğunu, bəzi Avropa ölkələrində "omikron"un yeni alt növünün müəyyən edilidiyini diqqətə çatdırıb.
Mütəxəssisin fikrincə, koronavirusun öldürücülük qabiliyyəti azalarkən, yoluxuculuq qabiliyyəti artır.
“Omikron” variantına yoluxma boğaz ağrısı, burun axması və baş ağrısı kimi ümumi soyuqdəyməyə bənzər simptomlarla müşayiət olunur. COVID-19-un ilkin mutasiyalarına aid olan iybilmə və ya dad hissinin yoxa çıxması, öskürək və qızdırma kimi simptomlar hələ də yoluxmanın əsas əlamətləri hesab olunur. Koronavirusun “delta” və “omikron” ştamlarının müqayisəsi onu göstərir ki, “delta”da ölüm nisbəti daha yüksəkdir”, - Quliyev bildirib.
O deyib ki, koronavirusun yeni dalğasından qorunmaq üçün gigiyenik qaydalara əməl olunmalıdır.
Zakir Quliyevin fikrincə, ciddi zərurət yaranmadığı halda adamlar kütləvi toplaşdığı məkanlardan çəkinməli, qapalı məkanlarda, ictimai nəqliyyatda sıxlıq olduğu təqdirdə qoruyucu maskalardan istifadə olunmalıdır.-05D-
-
- Siyasət
- 15 İyul 2022 13:27
Cəmiyyət
-
Ədalət Naminə Həmrəylik Komitəsinin təşəbbüsü ilə təşkil edilən, Azərbaycanda insan hüquqları vəziyyətinə həsr olunmuş vətəndaş cəmiyyəti fəallarının onlayn görüşündə jurnalistlərin, siyasi fəalların və müharibəyə qarşı çıxanların həbsi ilə bağlı ciddi narahatlıqlar vurğulandı. Avqustun 30-da keçirilən bu toplantı Beynəlxalq İtkin Düşənlərin Anım Günü ilə üst-üstə düşdü və Qarabağ müharibələrindən sonra həm Azərbaycan, həm də Ermənistan cəmiyyətlərinin qarşılaşdığı davamlı çətinlikləri diqqətə çatdırdı.
-
Sentyabrın 1-də Bakıda və Abşeron yarımadasında hava yağıntısız olacaq. Şimal-qərb küləyi gündüz cənub-şərq küləyi ilə əvəz olunacaq. Havanın temperaturu gecə müsbət 21+26, gündüz müsbət 33+38 dərəcə olacaq, Milli Hidrometeorologiya Xidməti bildirib.
-
Ölkənin aparıcı mobil operatoru "Milli və müasir" rəqəmsal muzeyini təqdim edir Azercell milli dəyərlərimizi müasir texnologiyalar vasitəsilə yaşatmaq, onları geniş auditoriyaya tanıtmaq və gələcək nəsillərə çatdırmaq məqsədilə "Milli və müasir" rəqəmsal muzeyi layihəsini təqdim edir. Bu innovativ təşəbbüs sənət və texnologiyanı birləşdirərək şirkətin hər iki sahəyə olan dəstəyini bir daha vurğulayır.
-
Bakının Suraxanı rayonu ərazisində sənaye zonasında bir obyektdə yanğın başlayıb. Yanğının söndürülməsinə FHN-in Dövlət Yanğından Mühafizə Xidmətinin qüvvələri cəlb olunub.
Rəy yaz