Ekspertlər Boinq-in Rostovda qəzaya uğramasının səbəbləri barədə

“Боинг 737-800” Rostov-Don aeroportunda güclü külək səbəbindən yerə düşə bilər. Mülki Aviasiya Assosiasiyasının rəhbəri, təyyarəçi Nikolay Karpov belə hesab edir.

Onun sözlərinə görə, Rostov ərazisində sürətin dəyişməsilə güclü külək əsib və istiqamət yerə yaxın olub.

Belə olan vəziyyətdə külək daim istiqamətini və sürətini dəyişir ki, bundan da  təyyarə idarəetməni itirir. Bu səbəbdən qasırğa küləyi zamanı yerə enmək qəti qadağandır.

N.Karpov aeroportun yerüstü xidmətinin işini tənqid edib. Belə ki, təyyarənin eniş zolağına dəfələrlə girişi komandirin güclü stress keçirməsinə səbəb olub. Təyyarə 10 dövrə vurub ki, bu da ağılsızlıqdır. Uçuşların rəhbəri bunu və pis hava şəraitini nəzərə alaraq    aerodromu bağlamalıydı, lakin bunu etməyib.

İnternetdə yayılan ekipajın yerüstü xidmət ilə danışıqları göstərir ki, ekipaj hava şəraitini yaxşı təsəvvür etməyib.

Belə ki, komandir bir neçə dəfə görüntü, küləyin gücü və s. barədə soruşur. Lakin dispetçerin cavabları anlaşılmaz və şablon səslənir. Vəziyyətin əlverişsiz olması ilə əlaqədar yerə enməyin qadağan edilməsi barədə heç bir xəbərdarlıq yoxdur.

Dubaydan uçan  FlyDubai aviaşirkətinə məxsus “Boinq 737-800” təyyarəsi martın 19-da  Rostov-Donda yerə enərkən pis görüntü səbəbindən qəzaya uğrayıb. 62 nəfərin hamısı həlak olub.-02D-