Siyasi Məhbusların Monitorinqi Mərkəzi 103 siyasi məhbusdan ibarət yeni siyahı açıqlayıb.
Martın 17-də əfv edilmiş 14 siyasi məhbusun, həmçinin cəza müddəti şərti cəza ilə əvəzlənən altı nəfərin adı (Rauf Mirqədirov, İntiqam Əliyev, Nazim Ağabəyov və üç nurçu) yeni siyahıdan çıxarılıb.
Yeni siyahıda 8 jurnalist və blogerlər var: Əbdül Əbilov, Nicat Əliyev, Xədicə İsmayılova, Seymur Həzi, Araz Quliyev, Tofiq Həsənov, Fərəc Kərimov və Rəşad Ramazanov.
Bundan əlavə, siyahıda bir hüquq müdafiəçisi – vəkil Əlabbas Rüstəmov, gənc fəal, NİDA üzvü İlkin Rüstəmzadə, müxalifət fəalları İlqar Məmmədov, Fuad Qəhrəmanlı, Məmməd İbrahim, Asif Yusifli, Qədir Xudabaxışov, Elvin Abdullayev, Zeynalabdin Bağırzadə və Nazim Mahmudov var.
Eyni zamanda siyahıda bir qrup dindar yer alıb ki, bunlar da bir neçə yarımqrupa bölünür: “Səid Dadaşbəylinin işi”, İslam Partiyasının lideri Mövsüm Səmədovun işi üzrə həbs olunanlar, Masallıda etirazlara görə həbs edilən və “hicab məhbusları” adlandırılanlar, nurçular, ilahiyyatçılar və başqaları.
Bundan əlavə, siyahıya ömürlük mühakimə olunan keçmiş XTPD üzvləri Elçin Əmiraslanov, Arif Kazımov, Səfa Poladov daxil edilib.
Keçmiş nazirlər Əli İnsanov və Nicat Quliyevdə siyahıdadır.
“Nardaran hadisələri” üzrə ittiham edilən daha 25 yeni ad da buradadır.
Siyasi Məhbusların Monitorinqi Mərkəzinin rəhbəri Elşən Həsənov bildirib ki, sonuncular siyahıya Avropa Konvensiyasının 2 (işgəncələrə qadağa), 6 (ədalətli məhkəmə çəkişməsi hüququ), 9 (fikir, vicdan və din azadlığı) və digər maddələrinin pozulması ilə əlaqədar daxil ediliblər.
“Əslində bu iş üzrə həbs olunan çoxdur. Biz siyahıya barəsində məlumat əldə etdiyimiz şəxsləri daxil etmişik”, - o vurğulayıb.—06В-
Cəmiyyət
-
Noyabrın 1-də paytaxtda hava tutqun olacaq, gecə və səhər bəzi yerlərdə çiskinli yağış yağacaq. Mülayim cənub-qərb küləyi əsəcək.
-
Qısa zamanda abunəçilərə altı innovativ məhsul təqdim edən “Bakcell”, reklam və marketinq dünyasının mühüm beynəlxalq müsabiqələrindən biri olan “Felis” tərəfindən “Ən Uğurlu Rebrendinq” mükafatına layiq görülüb.
-
Beynəlxalq Demokratik Yenilənmə Koalisiyası (ICDR) və Forum 2000 Fondu Azərbaycanda vətəndaş cəmiyyətinə qarşı artan təzyiqlərdən dərin narahatlıqlarını ifadə edərək birgə bəyanat yayıb. Qruplar, hökumətin vəkillər, jurnalistlər, aktivistlər və insan hüquqları müdafiəçilərinə qarşı geniş miqyaslı təzyiqləri gücləndirdiyini, ölkədə müxalif səslərin sistematik olaraq susdurulduğunu vurğulayıblar.
-
60 milyon auditoriyası ilə dünyanın 100 nüfuzlu şəbəkəsindən biri olan, təhsil və bacarıqların qiymətləndirilməsi sahəsində aparıcı beynəlxal təşkilat Times Higher Education (THE) xəbərlər buraxılışında “İqlim sammiti başlayan kimi azərbaycanlı alimin azad edilməsinə çağırışlar” başlığı ilə geniş yazı dərc edib. Hər il dünya Universitetlərinin reytinqini hazırlayan THE yazır ki, mədən yanacağı istehsalçısı dünya liderlərinin toplantısına ev sahibliyi edərkən müxaliflərə qarşı sərt tədbirlər görür. Hüquq müdafiə qrupları COP29 iqlim konfransına ev sahibliyi edən Azərbaycan hökumətini mədən yanacağı siyasətini tənqid etdikdən sonra saxlanılan alimin azad edilməsinə çağırır.
Rəy yaz