Eldəniz Quliyev min manat cərimə olunub və ictimai işə cəlb edilib

Cümə axşamı Nəsimi Rayon Məhkəməsi kinorejissor Eldəniz Quliyevı 1000 manat cərimə edib və 480 saat ictimai işə cəlb edib. Beləliklə, rejissor polisə qarşı “böhtan” və “təhqir”də müqəssir bilinib.

Hökm DİN rəhbəri Ramil Usubovun iddiası üzrə çıxarılıb.

Xatırladaq ki, avqustun 20-də E.Quliyev özünün Facebook səhifəsində yol polisinin hərəkətini tənqid edib. DİN rəhbəri bunu polisə qarşı böhtan və təhqir kimi qəbul edərək şərəf və ləyaqətin müdafiəsi barədə iddia qaldırıb, E.Quliyevin cinayət məsuliyyətinə cəlb olunmasını tələb edib.

Oktyabrın 20-də R.Usubovun nümayəndəsi E.Quliyevin 1 il azadlıqdan məhrum olunmasını təklif edib.

Hökm qüvvəyə minənə qədər E.Quliyev ölkəni tərk edə bilməz. O 20 gün ərzində bu qərardan apellyasiya verə bilər.

E.Quliyev fəal vətəndaş mövqeyinə və Demokratik Qüvvələrin Milli Şurasında iştiraka görə təqib olunduğunu düşünür.

Bununla yanaşı o, daha “ağır qərar” gözlədiyini qeyd edib.

“İstənilən halda bu, siyasi qərardır. Biz bununla razı deyilik və apellyasiya şikayəti verəcəyik”, - E.Quliyev Turan-ın müxbirinə bildirib.–03С06—